കിടങ്ങൂര്: കിടങ്ങൂര് പഞ്ചായത്ത് മൂന്നാം വാര്ഡില് കുഴിയംപാലപ്പടി - കിഴക്കേടത്ത് റോഡിന്റെ നവീകരണം ആരംഭിച്ചു. ജില്ല പഞ്ചായത്തിന്റെ പദ്ധതിയിലുള്പ്പെടുത്തി ജില്ല പഞ്ചായത്ത് മെംബര് ജോസ്മോന് മുണ്ടയ്ക്കല് അനുവദിച്ച 12 ലക്ഷം രൂപ ഉപയോഗിച്ചാണ് ടാറിങ് നടത്തുന്നത്. മൂന്ന് മീറ്റര് വീതിയുണ്ടായിരുന്ന റോഡ് സ്ഥലമുടമകള് സൗജന്യമായി സ്ഥലം വിട്ടുനല്കി ആറ് മീറ്റര് വീതിയില് പുനര്നിര്മിച്ച് ടാറിങ് നടത്തുന്നതാണ് പദ്ധതി. റോഡിന്റെ നിര്മാണോദ്ഘാടനം ജില്ല പഞ്ചായത്ത് മെംബര് ജോസ്മോന് മുണ്ടയ്ക്കല് നിര്വഹിച്ചു. ബ്ലോക്ക് പഞ്ചായത്ത് മെംബര് പ്രഫ. ഡോ. മേഴ്സി ജോണ് അധ്യക്ഷതവഹിച്ചു. ഗ്രാമപഞ്ചായത്ത് സ്റ്റാന്ഡിങ് കമ്മിറ്റി ചെയര്മാന് തോമസ് മാളിയേക്കല്, പഞ്ചായത്ത് മെംബര്മാരായ ലൈസാമ്മ ജോര്ജ്, കുഞ്ഞുമോള് ടോമി എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.