പൈപ്പ് പൊട്ടി റോഡിൽ വെള്ളം

ചങ്ങനാശ്ശേരി: പിച്ചനാട്ടുകുളത്ത് റോഡിന്‍റെ നടുവില്‍ പൈപ്പ് ലൈന്‍ പൊട്ടി ആയിരക്കണക്കിന്​ ലിറ്റര്‍ ശുദ്ധജലം പാഴാവാന്‍ തുടങ്ങിയിട്ട് മാസം ഒന്നായിട്ടും നടപടിയില്ലെന്ന് നാട്ടുകാര്‍. കുത്തിറക്കത്തിലാണ് റോഡിന്​ നടുവിലെ പൈപ്പ് പൊട്ടി കുഴി രൂപപ്പെട്ട് വെള്ളം പാഴാവുന്നത്. വാട്ടര്‍ അതോറിറ്റി അധികൃതരുടെ ശ്രദ്ധയില്‍പ്പെടുത്തിയിട്ടും നടപടിയില്ലെന്നാണ് പരാതി ഉയരുന്നത്. രാത്രിയില്‍ ഇരുചക്രവാഹനങ്ങള്‍ ഈ കുഴിയില്‍ അകപ്പെടുന്നതായും സമീപവാസികള്‍ പറയുന്നു. മടുക്കത്താനംകുന്ന് ഓവര്‍ ഹെഡ് വാട്ടര്‍ ടാങ്കില്‍നിന്നാണ് ഇവിടേക്ക് വെള്ളം പമ്പ് ചെയ്യുന്നത്. റോഡിലൂടെ വെള്ളം പരന്നൊഴുകുകയാണ്. വാഹനയാത്രക്കാര്‍ക്കും കാല്‍നടക്കാര്‍ക്കും വലിയ ബുദ്ധിമുട്ട് സൃഷ്ടിക്കുന്നുണ്ട്. അടിയന്തരമായി പൈപ്പിന്‍റെ തകരാര്‍ പരിഹരിക്കണമെന്നാണ് നാട്ടുകാരുടെ ആവശ്യം. KTL CHR 3 water പിച്ചനാട്ടുകുളത്ത് വാട്ടര്‍ അതോറിറ്റിയുടെ പൈപ്പ് പൊട്ടി വെള്ളം റോഡിലൂടെ ഒഴുകുന്നു