കിളികൊല്ലൂർ ബൈപാസിൽ നിർമാണം നടക്കുന്നതിനാൽ ചെറിയ റോഡുവഴി വാഹനങ്ങൾ
വഴിതിരിച്ചുവിടുന്നു
കിളികൊല്ലൂർ: ബൈപാസ് നിർമാണത്തിന്റെ ഭാഗമായി വാഹനങ്ങൾ പഴയ കിളികൊല്ലൂർ പൊലീസ് സ്റ്റേഷന്റെ വശത്തുകൂടി വഴിതിരിച്ചുവിട്ടത് ഗതാഗതക്കുരുക്കിന് കാരണമാവുന്നു. ബൈപാസിലും പൊലീസ് സ്റ്റേഷൻ റോഡിലുമാണ് വലിയതോതിൽ ഗതാഗത കുരുക്ക്.
പൊലീസ് സ്റ്റേഷന് മുന്നിലൂടെ കൊപ്പാറ മുക്ക് വഴി ബൈപാസിലേക്കെത്തുന്ന റോഡാണ് കഴിഞ്ഞ ദിവസം പൊളിച്ചത്. സ്വകാര്യ വാഹനങ്ങൾ ഉൾപ്പെടെ വലിയ വാഹനങ്ങൾ ഇതുവഴിയാണ് പോകുന്നത്.
പൊലീസ് വിവിധ കേസുകളിൽ പിടിച്ച വാഹനങ്ങളും ഈ വഴിയിലുള്ളതിനാൽ വാഹനങ്ങൾ കടന്നുപോകാൻ ബുദ്ധിമുട്ടാണ്. നിർമാണത്തിന്റെ ഭാഗമായുള്ള വാഹനങ്ങളും ഇവിടെ നിർത്തിയിടുന്നു. ചെറിയ റോഡിലേക്ക് വാഹനങ്ങൾ തിരിയുന്നതിനാൽ ബൈപാസിലും ഗതാഗതക്കുരുക്ക് ഉണ്ടാകുന്നുണ്ട്. ഗതാഗത കുരുക്ക് ഒഴിവാക്കാൻ അധികൃതർ നടപടി സ്വീകരിക്കണമെന്നാണ് യാത്രക്കാരുടെ ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.