ഗ്രാമീണ റോഡ് പദ്ധതിയുടെ ദിശ മാറ്റി നിർമിക്കാൻ ശ്രമം; പ്രതിഷേധം

അ​ഞ്ച​ൽ: പ്ര​ധാ​ന​മ​ന്ത്രി ഗ്രാ​മീ​ണ റോ​ഡ് നി​ർ​മാ​ണ പ​ദ്ധ​തി​യി​ൽ ഉ​ൾ​പ്പെ​ടു​ത്തി മൂ​ന്ന് കോ​ടി​യോ​ളം രൂ​പ അ​നു​വ​ദി​ക്കു​ക​യും പ്ര​വൃ​ത്തി ആ​രം​ഭി​ക്കു​ക​യും ചെ​യ്ത റോ​ഡ് ദി​ശ മാ​റ്റി നി​ർ​മാ​ണം ന​ട​ത്താ​ൻ ശ്ര​മ​മെ​ന്ന് ആ​രോ​പ​ണം.

ഏ​രൂ​ർ ഗ്രാ​മ​പ​ഞ്ചാ​യ​ത്തി​ലെ കെ​ട്ടു​പ്ലാ​ച്ചി​യി​ൽ നി​ന്ന് ആ​രം​ഭി​ച്ച് ഇ​ള​വ​റാം​കു​ഴി വ​ഴി കി​ണ​റ്റു​മു​ക്കി​ൽ അ​വ​സാ​നി​ക്കു​ന്ന നാ​ല​ര കി​ലോ​മീ​റ്റ​ർ റോ​ഡാ​ണ് ദി​ശ മാ​റ്റി ഊ​രാ​ളി​യ​ഴി​കം പ്ര​ദേ​ശ​ത്ത് കൂ​ടി കി​ണ​റ്റു​മു​ക്കി​ൽ എ​ത്തി​ക്കു​ന്ന​തി​നു​ള്ള ശ്ര​മം ന​ട​ക്കു​ന്ന​ത​ത്രേ.

ഇ​തി​നാ​യി, മു​ൻ മ​ന്ത്രി കെ. ​രാ​ജു​വി​ന്‍റെ ആ​സ്തി വി​ക​സ​ന ഫ​ണ്ടി​ൽ നി​ന്ന് ഇ​രു​പ​ത് ല​ക്ഷ​ത്തോ​ളം രൂ​പ ചെ​ല​വ​ഴി​ച്ച് ന​വീ​ക​രി​ച്ച റോ​ഡ് ഒ​രു വ​ർ​ഷ​മെ​ത്തും മു​ന്നേ വെ​ട്ടി​പ്പൊ​ളി​ച്ച് ഗ​താ​ഗ​ത​യോ​ഗ്യ​മ​ല്ലാ​താ​ക്കി. കേ​ന്ദ്ര പ​ദ്ധ​തി പ്ര​കാ​ര​മു​ള്ള റോ​ഡ് നി​ർ​മി​ക്കാ​നെ​ന്ന പേ​രി​ലാ​യി​രു​ന്നു ഇ​ത്ത​രം ന​ട​പ​ടി. ഇ​തി​ന് പി​ന്നി​ൽ വ്യ​ക്തി​പ​ര​വും രാ​ഷ്ട്രീ​യ​പ​ര​വു​മാ​യ താ​ല്പ​ര്യ​ങ്ങ​ളു​ണ്ടെ​ന്ന് നാ​ട്ടു​കാ​ർ ആ​രോ​പി​ക്കു​ന്നു.

റോ​ഡ് പൊ​ളി​ച്ച് മെ​റ്റ​ൽ ഇ​ട്ട​തി​നാ​ൽ ഇ​തു വ​ഴി വാ​ഹ​ന​യാ​ത്ര ദു​ഷ്ക​ര​മാ​യി. സ്കൂ​ൾ വാ​ഹ​ന​ങ്ങ​ൾ ക​ട​ന്നു പോ​കാ​ൻ ക​ഴി​യാ​ത്ത​ത് കാ​ര​ണം കു​ട്ടി​ക​ളേ​യും കൊ​ണ്ട് ര​ക്ഷാ​ക​ർ​ത്താ​ക്ക​ൾ​ക്ക് ഏ​റെ ദൂ​രം ന​ട​ന്നു പോ​കേ​ണ്ടി വ​രു​ന്നു. ഇ​തു​വ​ഴി​യു​ള്ള കു​ടി​വെ​ള്ള പൈ​പ്പു​ക​ളും ത​ക​ർ​ന്ന​തി​നാ​ൽ ക​ടു​ത്ത കു​ടി​വെ​ള്ള ക്ഷാ​മ​വും നേ​രി​ടു​ന്നു​ണ്ട്. കേ​ന്ദ്ര​ഫ​ണ്ട് അ​നു​വ​ദി​ച്ച നി​ർ​ദ്ദി​ഷ്ട റോ​ഡി​ന്‍റെ ദി​ശ മാ​റ്റി നി​ർ​മാ​ണം ന​ട​ത്തു​ന്ന​ത് ന്യാ​യീ​ക​രി​ക്കാ​നാ​വി​ല്ലെ​ന്നും പി​ന്നി​ൽ ക​ള്ള​ക്ക​ളി​ക​ളാ​ണ് ന​ട​ക്കു​ന്ന​തെ​ന്നും അ​ന്വേ​ഷ​ണം വേ​ണ​മെ​ന്നും മു​ൻ ഗ്രാ​മ പ​ഞ്ചാ​യ​ത്തം​ഗ​വും പൊ​തു പ്ര​വ​ർ​ത്ത​ക​നു​മാ​യ എം. ​ബ​ഷീ​ർ ഉ​ൾ​പ്പെ​ടെ നാ​ട്ടു​കാ​ർ പ​റ​ഞ്ഞു.