ഓണാട്ടുകരയിൽ ഓണാവേശം ഓച്ചിറയിൽ നാളെ കാളകെട്ടുത്സവം

​ക​രു​നാ​ഗ​പ്പ​ള്ളി: തി​രു​വോ​ണം ക​ഴി​ഞ്ഞ് നാ​ടാ​കെ തി​ര​ക്കൊ​ഴി​യു​മ്പോ​ഴും ഓ​ണാ​ട്ടു​ക​ര​ക്കാ​ർ​ക്ക് ആ​ഘോ​ഷ​ത്തി​ന്റെ പാ​ര​മ്യ​മാ​ണ്. ഇ​രു​പ​ത്തെ​ട്ടാം ഓ​ണം വ​രെ ഇ​വി​ടെ ആ​ഘോ​ഷം ത​ന്നെ​യാ​ണ്. ഓ​ണാ​ട്ടു​ക​ര​യു​ടെ ഐ​തി​ഹ്യ​വും കാ​ർ​ഷി​ക സം​സ്കാ​ര​വും ഒ​ന്നി​ക്കു​ന്ന ഇ​രു​പ​ത്തെ​ട്ടാം ഓ​ണ​നി​റ​വു​മാ​യി ഓ​ച്ചി​റ പ​ര​ബ്ര​ഹ്മ ക്ഷേ​ത്ര​ത്തി​ലെ ച​രി​ത്ര​പ്ര​സി​ദ്ധ​മാ​യ കെ​ട്ടു​ത്സ​വം ബു​ധ​നാ​ഴ്ച ന​ട​ക്കും. ക​രു​നാ​ഗ​പ്പ​ള്ളി, കാ​ർ​ത്തി​ക​പ്പ​ള്ളി, മാ​വേ​ലി​ക്ക​ര താ​ലൂ​ക്കു​ക​ളി​ലെ 52 ക​ര​ക​ളി​ലും രാ​പ്പ​ക​ലി​ല്ലാ​തെ ന​ട​ന്ന കെ​ട്ടു​കാ​ള​ക​ളു​ടെ നി​ർ​മാ​ണ പൂ​ർ​ത്തീ​ക​ര​ണം അ​വ​സാ​ന ഘ​ട്ട​ത്തി​ലാ​ണ്. ഇ​രു​നൂ​റി​ലേ​റെ കൂ​റ്റ​ൻ കെ​ട്ടു​കാ​ള​ക​ളെ അ​ണി​യി​ച്ചൊ​രു​ക്കി നാ​ളെ ഓ​ച്ചി​റ പ​ട​നി​ല​ത്തേ​ക്ക് ആ​ന​യി​ക്കാ​നു​ള്ള മി​നു​ക്കു​പ​ണി​ക​ളാ​ണ് ക​ര​ക​ളി​ൽ പു​രോ​ഗ​മി​ക്കു​ന്ന​ത്.

​​പ​ക​ല​ന്തി​യോ​ളം പാ​ട​ത്ത് പ​ണി​യെ​ടു​ക്കു​ന്ന കാ​ള​ക്കൂ​റ്റ​ന്മാ​ർ​ക്കു​ള്ള ആ​ദ​ര​വാ​ണ് ഓ​ണാ​ട്ടു​ക​ര​ക്കാ​ർ​ക്ക് ഇ​രു​പ​ത്തെ​ട്ടാം ഓ​ണം. വീ​ടു​ക​ളി​ൽ വ​ള​ർ​ത്തു​ന്ന ക​ന്നു​കാ​ലി​ക​ളെ അ​ന്നേ ദി​വ​സം എ​ണ്ണ തേ​ച്ച് കു​ളി​പ്പി​ച്ച്, ന​ല്ല ഭ​ക്ഷ​ണ​വും ന​ൽ​കി സ​ൽ​ക്ക​രി​ക്കു​ന്ന അ​പൂ​ർ​വ​മാ​യ കാ​ർ​ഷി​ക സം​സ്കാ​ര​ത്തി​ന്റെ പ്ര​തീ​കാ​ത്മ​ക രൂ​പ​മാ​ണ് ഓ​ച്ചി​റ​യി​ലെ കെ​ട്ടു​ത്സ​വം.

​ഒ​രു മാ​സ​ത്തോ​ള​മെ​ടു​ക്കു​ന്ന ക​ഠി​ന​പ്ര​യ​ത്ന​ത്തി​നൊ​ടു​വി​ലാ​ണ് ഒ​രു ജോ​ഡി കെ​ട്ടു​കാ​ള​ക​ൾ ജ​ന്മ​മെ​ടു​ക്കു​ന്ന​ത്. ത​ടി​യി​ലും ഇ​രു​മ്പി​ലും തീ​ർ​ത്ത കൂ​റ്റ​ൻ ച​ട്ട​ക്കൂ​ടു​ക​ളി​ൽ വൈ​ക്കോ​ൽ പൊ​തി​ഞ്ഞ്, പൂ​ർ​ണ ആ​കൃ​തി​യി​ലാ​ക്കാ​ൻ വി​ദ​ഗ്ധ​രാ​യ ക​ലാ​കാ​ര​ന്മാ​ർ ത​ന്നെ വേ​ണം. ഇ​വ​യു​ടെ ഗാം​ഭീ​ര്യ​മു​ള്ള ത​ല​യെ​ടു​പ്പാ​ണ് പ്ര​ധാ​ന ആ​ക​ർ​ഷ​ണം. വ​ലി​യ തു​ക​യും അ​ധ്വാ​ന​വും വേ​ണ്ടി​വ​രു​ന്ന ഒ​ന്നു കൂ​ടി​യാ​ണി​ത്. ​​കെ​ട്ടു​കാ​ള​ക​ളെ ഒ​രു​ക്കു​ന്ന സം​ഘാ​ട​ക​ർ​ക്ക് ഒ​രു മാ​സ​ത്തെ ക​ഠി​ന വ്ര​താ​നു​ഷ്ഠാ​ന​മു​ണ്ട്. പ്ര​ത്യേ​ക​മാ​യി ത​യാ​റാ​ക്കു​ന്ന പ​ന്ത​ലി​ൽ കാ​ള​ക​ളു​ടെ ശി​ര​സ്സ് വെ​ച്ച് പ്രാ​ർ​ഥ​ന​യോ​ടെ​യാ​ണ് നി​ർ​മാ​ണം തു​ട​ങ്ങു​ക. ഓ​ണാ​ട്ടു​ക​ര​യു​ടെ ഗൃ​ഹാ​തു​ര​ത്വം ഉ​ണ​ർ​ത്തു​ന്ന കാ​ച്ചി​ൽ, ചേ​മ്പ്, പു​ഴു​ക്ക്, ക​ഞ്ഞി എ​ന്നി​വ​യൊ​ക്കെ കാ​ള​മൂ​ട്ടി​ൽ സ​ൽ​ക്കാ​ര​ത്തി​നാ​യി ഒ​രു​ക്കും. ക​ര​ക​ളി​ലെ കാ​ള​മൂ​ട്ടു​ക​ളെ​ല്ലാം ഇ​പ്പോ​ൾ ത​ന്നെ ഉ​ത്സ​വ​പ്ര​തീ​തി​യി​ലാ​ണ്.

​ചു​വ​പ്പും വെ​ള്ള​യും വ​സ്ത്ര​ങ്ങ​ൾ ചാ​ർ​ത്തി​യ കൂ​റ്റ​ൻ കെ​ട്ടു​കാ​ള​ക​ൾ നാ​ളെ ഓ​ച്ചി​റ പ​ട​നി​ല​ത്തേ​ക്ക് ഒ​ഴു​കി​യെ​ത്തും. ഇ​രു​പ​ത്തെ​ട്ടാം ഓ​ണ​മ​ഹോ​ത്സ​വ​ത്തോ​ടെ​യാ​ണ് ഓ​ണാ​ട്ടു​ക​ര​യി​ലെ വ​രാ​നി​രി​ക്കു​ന്ന ക്ഷേ​ത്രോ​ത്സ​വ​ങ്ങ​ൾ​ക്ക് തു​ട​ക്ക​മാ​കു​ന്ന​ത്.