നല്ല സിനിമകളുടെ നിർമാതാവ്​ നവതിയുടെ നിറവിൽ

കൊ​ല്ലം: വി​പു​ല​മാ​യ ആ​​ഘോ​ഷ​ങ്ങ​ളോ പൊ​തു​പ​രി​പാ​ടി​ക​ളോ ഇ​ല്ലാ​തെ ന​വ​തി​യു​ടെ നി​റ​വി​ൽ കെ. ​ര​വീ​ന്ദ്ര​നാ​ഥ​ൻ നാ​യ​ർ. പ്ര​മു​ഖ വ്യ​വ​സാ​യി, ക​ലാ​മൂ​ല്യ​മു​ള്ള സി​നി​മ​ക​ളു​ടെ നി​ർ​മാ​താ​വ്​ തു​ട​ങ്ങി​യ നി​ല​ക​ളി​ൽ ശ്ര​ദ്ധേ​യ​നാ​യ കൊ​ല്ല​ത്തു​കാ​രു​ടെ ‘ര​വി മു​ത​ലാ​ളി’ ഏ​റെ​നാ​ളാ​യി വി​ശ്ര​മ ജീ​വി​ത​ത്തി​ലാ​ണ്.

ജ​ന്മ​ന​ക്ഷ​ത്ര​മാ​യ മി​ഥു​ന​ത്തി​ലെ വി​ശാ​ഖം നാ​ളാ​യി​രു​ന്ന വെ​ള്ളി​യാ​ഴ്ച വീ​ട്ടി​ൽ പി​റ​ന്നാ​ൾ സ​ദ്യ ഒ​രു​ക്കി​യി​രു​ന്നു. മ​ക്ക​ളും മ​രു​മ​ക്ക​ളും പേ​ര​ക്കു​ട്ടി​ക​ളു​മ​ട​ക്ക​മു​ള്ള കു​ടും​ബാം​ഗ​ങ്ങ​ൾ ഒ​ത്തു​ചേ​രു​ക​യും ചെ​യ്തു. 1933 ജൂ​ലൈ മൂ​ന്നാ​ണ്​ ഔ​ദ്യോ​ഗി​ക​മാ​യു​ള്ള ജ​ന്മ​ദി​നം.

ക​ലാ​രം​ഗ​ത്തി​നും വ്യ​വ​സാ​യ​ത്തി​നും ​പ​കു​ത്തു​ന​ൽ​കി​യ ജീ​വി​ത​മാ​ണ്​ ര​വീ​ന്ദ്ര​നാ​ഥ​ൻ നാ​യ​രു​ടേ​ത്. വ്യ​വ​സാ​യ​ത്തി​ലും സി​നി​മ​യി​ലും എ​ന്നും മൂ​ല്യ​ങ്ങ​ൾ​ക്കാ​യി ഉ​റ​ച്ചു​നി​ൽ​ക്കു​ക​യാ​യി​രു​ന്നു അ​ദ്ദേ​ഹം. ക​ശു​വ​ണ്ടി വ്യ​വ​സാ​യ രം​ഗ​ത്ത്​ ‘വി.​എ​ൽ.​സി’ എ​ന്ന ബ്രാ​ൻ​ഡി​ന്​ ആ​ഗോ​ള സ്വീ​കാ​ര്യ​ത നേ​ടാ​നാ​യ​തും കേ​ര​ള​ത്തി​ന​ക​ത്തും പു​റ​ത്തു​മു​ള്ള ഫാ​ക്ട​റി​ക​ളി​ൽ മെ​ച്ച​പ്പെ​ട്ട തൊ​ഴി​ൽ അ​ന്ത​രീ​ക്ഷം ഒ​രു​ക്കി​യ​തും ര​വീ​ന്ദ്ര​നാ​ഥ​ൻ നാ​യ​രു​ടെ ബി​സി​ന​സ്​ പ്രാ​ഗ​ല്​​ഭ്യ​മാ​ണ്. ക​ലാ​മൂ​ല്യ​മു​ള്ള സി​നി​മ​ക​ൾ​ക്ക്​ നി​ർ​മാ​താ​ക്ക​ളെ കി​ട്ടാ​തി​രു​ന്ന കാ​ല​ത്ത് അ​തി​നു​വേ​ണ്ടി ഇ​റ​ങ്ങി​ത്തി​രി​ച്ച സം​വി​ധാ​യ​ക​ർ​ക്ക് അ​വ​സ​ര​മൊ​രു​ക്കാ​ൻ ഇ​ദ്ദേ​ഹം ത​യാ​റാ​യി.

ന​ല്ല സി​നി​മ​ക്ക് നി​ർ​മാ​താ​ക്ക​ൾ മു​ന്നോ​ട്ടു​വ​രു​ന്നി​ല്ലെ​ന്ന്​ ച​ല​ച്ചി​ത്ര​കാ​ര​ൻ അ​ടൂ​ർ ഗോ​പാ​ല​കൃ​ഷ്ണ​ൻ ഒ​രി​ക്ക​ൽ ര​വീ​ന്ദ്ര​നാ​ഥ​ൻ നാ​യ​രോ​ട് പ​റ​ഞ്ഞി​രു​ന്നു. താ​ൻ ത​യാ​റാ​ണെ​ന്നാ​യി​രു​ന്നു ര​വീ​ന്ദ്ര​നാ​ഥ​ൻ നാ​യ​രു​ടെ മ​റു​പ​ടി. ര​വീ​ന്ദ്ര​നാ​ഥ​ൻ നാ​യ​രു​ടെ ഉ​ട​മ​സ്ഥ​ത​യി​ലു​ള്ള ‘ജ​ന​റ​ൽ പി​ക്ചേ​ഴ്സി’​ലൂ​ടെ അ​ടൂ​രി​ന്‍റേ​ത​ട​ക്കം ക​ലാ​മൂ​ല്യ​മു​ള്ള നി​ര​വ​ധി ചി​ത്ര​ങ്ങ​ൾ പു​റ​ത്തി​റ​ങ്ങി. ജ​ന​റ​ൽ പി​ക്ചേ​ഴ്സ്​ ഒ​ടു​വി​ൽ നി​ർ​മി​ച്ച​തും അ​ടൂ​ർ സം​വി​ധാ​നം ചെ​യ്ത ‘വി​ധേ​യ​ൻ’ ആ​ണ്. അ​ടൂ​രി​ന്‍റെ ‘ക​ഥാ​പു​രു​ഷ​ൻ’ വി​ത​ര​ണം ചെ​യ്ത​തും ജ​ന​റ​ൽ പി​ക്ചേ​ഴ്സാ​യി​രു​ന്നു.

പി. ​ഭാ​സ്ക​ര​ൻ, എ. ​വി​ൻ​സെ​ന്‍റ്, ജി. ​അ​ര​വി​ന്ദ​ൻ, എം.​ടി. വാ​സു​ദേ​വ​ൻ നാ​യ​ർ എ​ന്നി​വ​രു​ടെ സി​നി​മ​ക​ളും ര​വീ​ന്ദ്ര​നാ​ഥ​ൻ നാ​യ​ർ നി​ർ​മി​ച്ച​വ​യി​ൽ​പെ​ടു​ന്നു. ജെ.​സി. ഡാ​നി​യ​ൽ പു​ര​സ്കാ​ര​മ​ട​ക്കം നി​ര​വ​ധി ബ​ഹു​മ​തി​ക​ൾ അ​ദ്ദേ​ഹ​ത്തെ തേ​ടി​യെ​ത്തി.

‘അ​ച്ചാ​ണി’ എ​ന്ന ചി​ത്ര​ത്തി​നൊ​പ്പം ‘അ​ച്ചാ​ണി ര​വി’ എ​ന്ന പേ​രും ര​വീ​ന്ദ്ര​നാ​ഥ​ൻ നാ​യ​ർ​ക്ക് ല​ഭി​ച്ചു. നാ​ലു​ല​ക്ഷ​ത്തോ​ളം രൂ​പ മു​ട​ക്കി നി​ർ​മി​ച്ച ‘അ​ച്ചാ​ണി’ 18 ല​ക്ഷ​ത്തോ​ളം രൂ​പ ക​ല​ക്ഷ​ൻ നേ​ടി. കൊ​ല്ല​ത്ത്​ പ​ബ്ലി​ക് ലൈ​ബ്ര​റി വേ​ണ​മെ​ന്ന ആ​വ​ശ്യ​​​ത്തി​നു​ള്ള പ​രി​ഹാ​ര​വും ‘അ​ച്ചാ​ണി’​യി​ലൂ​ടെ​യു​ണ്ടാ​യി. സി​നി​മ​യി​ൽ​നി​ന്നു​ള്ള വ​രു​മാ​നം ലൈ​ബ്ര​റി​ക്കാ​യി മു​ട​ക്കാ​ൻ അ​ദ്ദേ​ഹം തീ​രു​മാ​നി​ക്കു​ക​യാ​യി​രു​ന്നു. ഇ​തോ​ട​നു​ബ​ന്ധി​ച്ച് നി​ർ​മി​ച്ച സോ​പാ​നം ക​ലാ​കേ​ന്ദ്രം ന​ഗ​ര​ത്തി​ലെ സം​സ്​​കാ​രി​ക പ​രി​പാ​ടി​ക​ളു​ടെ കേ​ന്ദ്ര​മാ​യി ഇ​പ്പോ​ഴും തു​ട​രു​ന്നു. ജി​ല്ല ആ​ശു​പ​ത്രി​ക്ക് കു​ട്ടി​ക​ളു​ടെ വാ​ർ​ഡ്, കൊ​ല്ലം ജ​വ​ഹ​ർ ബാ​ല​ഭ​വ​ൻ​ ഓ​ഡി​റ്റോ​റി​യം എ​ന്നി​വ​യും ര​വീ​ന്ദ്ര​നാ​ഥ​ൻ നാ​യ​ർ മു​ൻ​കൈ​യെ​ടു​ത്ത്​ നി​ർ​മി​ച്ചു.

വി​ദ്യാ​ർ​ഥി​ക​ൾ​ക്ക് സ്​​കോ​ള​ർ​ഷി​പ്പു​ക​ളും മ​റ്റ് സ​ഹാ​യ​ങ്ങ​ളും ന​ൽ​കു​ന്ന​ത​ട​ക്കം സേ​വ​ന പ്ര​വ​ർ​ത്ത​ന​ങ്ങ​ൾ​ക്കും മു​ന്നി​ട്ടി​റ​ങ്ങി. ഗാ​യി​ക കൂ​ടി​യാ​യി​രു​ന്ന പ​രേ​ത​യാ​യ ഉ​ഷ​യാ​ണ്​ ഭാ​ര്യ. പ്ര​താ​പ് നാ​യ​ർ, പ്രീ​ത, പ്ര​കാ​ശ്​ നാ​യ​ർ എ​ന്നി​വ​ർ മ​ക്ക​ളും രാ​ജ​ശ്രീ, സ​തീ​ഷ്​ നാ​യ​ർ, പ്രി​യ എ​ന്നി​വ​ർ മ​രു​മ​ക്ക​ളു​മാ​ണ്.