കൊല്ലം: യുവാക്കളെ ക്രൂരമായി ആക്രമിച്ച് പരിക്കേല്പ്പിച്ച സംഭവത്തില് രണ്ട് പ്രതികളെ പൊലീസ് അറസ്റ്റ് ചെയ്തു. തിരുമുല്ലവാരം മഹാവിഷ്ണു നഗറില് പന്തീരാംതുണ്ടില് വീട്ടിൽ അശോക് കുമാര് (30), അപ്പു എന്ന് വിളിക്കുന്ന യേശുദാസ് (19) എന്നിവരാണ് കൊല്ലം വെസ്റ്റ് പൊലീസിന്റെ പിടിയിലായത്. കഴിഞ്ഞ 11ന് തിരുമുല്ലവാരം ക്ഷേത്രത്തിലെ തിരുവാഭരണ ഘോഷയാത്രക്കു ശേഷം മടങ്ങിപ്പോവുകയായിരുന്ന യുവാക്കളെയാണ് പ്രതികള് മുന്വിരോധത്താല് ആക്രമിച്ചത്.
തിരുമുല്ലവാരം കളരി ക്ഷേത്രത്തിലേക്ക് തിരിയുന്ന വഴിയില് യുവാക്കളെ തടഞ്ഞു നിര്ത്തി ആക്രമിക്കുകയായിരുന്നു. പരിക്കേറ്റ യുവാക്കളുടെ പരാതിയില് കേസെടുത്ത വെസ്റ്റ് പൊലീസ് ഒളിവില് പോയ പ്രതികളെ അറസ്റ്റ് ചെയ്യുകയായിരുന്നു. കൊല്ലം വെസ്റ്റ് ഇന്സ്പെക്ടര് ആശിഷിന്റെ നേതൃത്വത്തില്, എസ്.ഐ ഷബ്ന, എസ്.സി.പി.ഒമാരായ ദീപുദാസ്, വിനോദ് എന്നിവരടങ്ങിയ പൊലീസ് സംഘമാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.