മുട്ടറ മരുതിമല; ഇക്കോ ടൂറിസത്തിനായി പാറ പൊട്ടിക്കൽ തകൃതി

കൊ​ട്ടാ​ര​ക്ക​ര: ഇ​ക്കോ​ടൂ​റി​സ നി​ർ​മാ​ണ പ്ര​വ​ർ​ത്ത​ന​ത്തി​ന്റെ പേ​രി​ൽ മു​ട്ട​റ മ​രു​തി​മ​ല​യി​ൽ പാ​റ പൊ​ട്ടി​ക്ക​ൽ തു​ട​രു​ന്നു. നി​ല​വി​ലു​ള്ള വൃ​ക്ഷ​ങ്ങ​ളും ഔ​ഷ​ധ​ച്ചെ​ടി​ക​ളും പാ​റ​ക്കൂ​ട്ട​ങ്ങ​ളും ന​ശി​പ്പി​ക്കാ​തെ വേ​ണം മ​രു​തി​മ​ല​യി​ൽ പാ​റ പൊ​ട്ടി​ക്കാ​ൻ. എ​ന്നാ​ൽ, ഈ ​നി​യ​മം കാ​റ്റി​ൽ പ​റ​ഞ്ഞി ഇ​ക്കോ ടൂ​റി​സ​ത്തി​ന്റെ ത​ത്ത്വ​ങ്ങ​ൾ​ക്ക് വി​രു​ദ്ധ​മാ​യാ​ണ് ഖ​ന​നം ന​ട​ക്കു​ന്ന​ത്.

2007ലാ​ണ് ഇ​ട​തു​സ​ർ​ക്കാ​ർ മ​രു​തി​മ​ല​യെ ഇ​ക്കോ​ടൂ​റി​സം പ​ദ്ധ​തി​യി​ൽ ഉ​ൾ​പ്പെ​ടു​ത്തി​യ​ത്. ആ​ദ്യ​ഘ​ട്ട​ത്തി​നാ​യി 25 ല​ക്ഷം രൂ​പ​യാ​ണ് സ​ർ​ക്കാ​ർ അ​നു​വ​ദി​ച്ച​ത്. ഈ ​പ​ണം ഉ​പ​യോ​ഗി​ച്ച് മ​ല​മു​ക​ളി​ൽ ചെ​റി​യ കെ​ട്ടി​ട​ങ്ങ​ൾ പ​ണി​തും വൈ​ദ്യു​തി എ​ത്തി​ച്ചു​മു​ള്ള പ്ര​വ​ർ​ത്ത​ന​ങ്ങ​ളാ​ണ് ന​ട​ന്ന​ത്. പി​ന്നീ​ട് സാ​മൂ​ഹി​ക വി​രു​ദ്ധ​രു​ടെ കേ​ന്ദ്ര​മാ​യി മ​രു​തി​മ​ല മാ​റി.

മ​ല​മു​ക​ളി​ൽ പ​ണി​ത കെ​ട്ടി​ട​ങ്ങ​ൾ സാ​മൂ​ഹി​ക​വി​രു​ദ്ധ​ർ ഭാ​ഗി​ക​മാ​യി ന​ശി​പ്പി​ച്ചു. തു​ട​ർ​ന്ന് വ​ർ​ഷ​ങ്ങ​ളാ​യി നി​ർ​മാ​ണ പ്ര​വ​ർ​ത്ത​ന​ങ്ങ​ൾ മ​ന്ദ​ഗ​തി​യി​ലാ​യി​രു​ന്നു. വെ​ളി​യം പ​ഞ്ചാ​യ​ത്ത് അ​ധി​കൃ​ത​ർ 15ല​ക്ഷം രൂ​പ മു​ട​ക്കി​യാ​ണ് ഭാ​ഗി​ക​മാ​യി ത​ക​ർ​ത്ത ചെ​റി​യ കെ​ട്ടി​ട​ങ്ങ​ൾ പി​ന്നീ​ട് പു​ന​ർ​നി​ർ​മി​ച്ച​ത്. ഫ​ല​വൃ​ക്ഷ തൈ​ക​ളും മ​ല​മു​ക​ളി​ൽ ന​ട്ടി​രു​ന്നു. വാ​ന​ര​ന്മാ​രെ സം​ര​ക്ഷി​ക്കാ​നാ​യാ​ണ് 2010 ൽ ​ഫ​ല​വൃ​ക്ഷ തൈ​ക​ൾ ന​ട്ട​ത്. എ​ന്നാ​ൽ, തൈ​ക​ൾ പ​രി​പാ​ലി​ക്കാ​ത്ത​തി​നാ​ൽ വേ​ന​ലി​ൽ പൂ​ർ​ണ​മാ​യും ന​ശി​ച്ചു. മ​ല​മു​ക​ളി​ലെ അ​ഞ്ഞൂ​റോ​ളം വാ​ന​ര​ന്മാ​ർ​ക്ക് ഭ​ക്ഷ​ണം ല​ഭി​ക്കാ​തെ വ​ന്ന​പ്പോ​ൾ നാ​ട്ടി​ലി​റ​ങ്ങി കൃ​ഷി​ക​ൾ ന​ശി​പ്പി​ക്കാ​ൻ ഒ​രു​ങ്ങി. ഇ​ത് നാ​ട്ടു​കാ​ർ​ക്ക് ത​ല​വേ​ദ​ന​യാ​യി.

2020ൽ ​ആ​ദ്യ​ഘ​ട്ട​ത്തി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തീ​ക​രി​ച്ച് ഉ​ദ്ഘാ​ട​നം ന​ട​ത്തി​യി​രു​ന്നു. ശേ​ഷം ര​ണ്ടാം​ഘ​ട്ട​ത്തി​നാ​യി 50 ല​ക്ഷം രൂ​പ സ്ഥ​ലം എം.​എ​ൽ.​എ​യും മ​ന്ത്രി​യു​മാ​യ കെ.​എ​ൻ. ബാ​ല​ഗോ​പാ​ൽ മ​രു​തി​മ​ല​ക്കാ​യി അ​നു​വ​ദി​ച്ചി​രു​ന്നു.

ഇ​തി​ന്റെ ഭാ​ഗ​മാ​യി മ​ല​മു​ക​ളി​ൽ വേ​ലി​കെ​ട്ട​ൽ, മ​ല​മു​ക​ളി​ൽ എ​ത്താ​നു​ള്ള സൗ​ക​ര്യം എ​ന്നി​വ ന​ട​പ്പാ​ക്കി. ഇ​പ്പോ​ൾ ക​വാ​ടം, നി​ര​വ​ധി കെ​ട്ടി​ട​ങ്ങ​ൾ എ​ന്നി​വ​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണ്. ഇ​തി​ന്റെ നി​ർ​മാ​ണ പ്ര​വ​ർ​ത്ത​ന​ത്തി​നാ​ണ് ഇ​ക്കോ ടൂ​റി​സം പ​ദ്ധ​തി​ക്ക് യോ​ജി​ക്കാ​ത്ത രീ​തി​യി​ൽ മ​ല​യു​ടെ ഒ​രു വ​ശ​ത്താ​യി പാ​റ ഖ​ന​നം ചെ​യ്യു​ന്ന​ത്.

ദി​വ​സം നൂ​റ് ക​ണ​ക്കി​നു​പേ​രാ​ണ് മ​രു​തി​മ​ല സ​ന്ദ​ർ​ശി​ക്കു​ന്ന​ത്. മ​ല​മു​ക​ളി​ലെ പ്ര​കൃ​തി​ക്ക് കോ​ട്ടം ത​ട്ടാ​തെ​യും പാ​റ ഖ​ന​നം ചെ​യ്യാ​തെ​യും ഇ​ക്കോ​ടൂ​റി​സം പ​ദ്ധ​തി ന​ട​പ്പാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.