അടിസ്ഥാന സൗകര്യങ്ങളില്ല; വീർപ്പുമുട്ടി ആര്യങ്കാവിലെ എക്സൈസ് ‘കണ്ടെയ്നർ’ ചെക്പോസ്റ്റ്

പു​ന​ലൂ​ർ: സം​സ്ഥാ​നാ​തി​ർ​ത്തി​യി​ൽ ആ​ര്യ​ങ്കാ​വി​ൽ ശേ​ഷി​ക്കു​ന്ന പ്ര​ധാ​ന​പ്പെ​ട്ട​താ​യ എ​ക്സൈ​സ് ചെ​ക്പോ​സ്റ്റ് മ​തി​യാ​യ സൗ​ക​ര്യ​ങ്ങ​ളി​ല്ലാ​തെ പ്ര​വ​ർ​ത്ത​നം ബു​ദ്ധി​മു​ട്ടു​ന്നു. ഇ​ത​ര​സം​സ്ഥാ​ന​ങ്ങ​ളി​ൽ​നി​ന്ന്​ ക​ഞ്ചാ​വു​ൾ​പ്പെ​ടെ നി​രോ​ധി​ത ല​ഹ​രി ഉ​ൽ​പ​ന്ന​ങ്ങ​ൾ കേ​ര​ള​ത്തി​ലേ​ക്ക് ക​ട​ത്തു​ന്ന പ്ര​ധാ​ന മാ​ർ​ഗ​മാ​ണ് ആ​ര്യ​ങ്കാ​വ് പാ​ത.

ജീ​വ​ന​ക്കാ​ർ​ക്ക് അ​ടി​സ്ഥാ​ന​സൗ​ക​ര്യ​മി​ല്ലാ​ത്ത​തി​ലു​പ​രി വാ​ഹ​ന​ങ്ങ​ളി​ലും അ​ല്ലാ​തെ​യും ഇ​തു​വ​ഴി വ​രു​ന്ന​വ​രി​ൽ സം​ശ​യ​ക​ര​മാ​യ സാ​ഹ​ച​ര്യ​ത്തി​ൽ പി​ടി​ക്കു​ന്ന​വ​രെ വേ​ണ്ട​വ​ണ്ണം പ​രി​ശോ​ധി​ക്കാ​നോ ചോ​ദ്യം​ചെ​യ്യാ​നോ ഉ​ള്ള സൗ​ക​ര്യം ഇ​വി​ടെ ഇ​ല്ല. ഇ​തു​കാ​ര​ണം ല​ഹ​രി​വ​സ്തു​ക്ക​ൾ ക​ട​ത്തു​കാ​രു​ടെ നി​ർ​ഭ​യ​പാ​ത​യി​ലാ​ണ് ചെ​ക്പോ​സ്റ്റും ജീ​വ​ന​ക്കാ​രും ദു​രി​ത​പ്പെ​ട്ടു​പ്ര​വ​ർ​ത്തി​ക്കു​ന്ന​ത്.

മു​മ്പ് ആ​ര്യ​ങ്കാ​വ് ജ​ങ്ഷ​നി​ൽ വാ​ണി​ജ്യ​നി​കു​തി​വ​കു​പ്പി​ന്‍റെ കെ​ട്ടി​ട​ത്തി​ൽ വി​ശാ​ല​മാ​യി പ്ര​വ​ർ​ത്തി​ച്ചി​രു​ന്ന ചെ​ക്പോ​സ്റ്റ് പീ​ന്നീ​ട് റേ​ഞ്ച് ഓ​ഫി​സ് ജ​ങ്ഷ​ന് സ​മീ​പ​ത്ത് പാ​ത​യോ​ര​ത്ത് ക​ണ്ടെ​യ്ന​ർ സ്ഥാ​പി​ച്ച് അ​തി​ലേ​ക്ക് മാ​റ്റു​ക​യാ​യി​രു​ന്നു. എ​ന്നാ​ൽ, ക​ണ്ടെ​യ്ന​റി​ൽ ആ​വ​ശ്യ​ത്തി​ന് സ്ഥ​ല​സൗ​ക​ര്യ​മി​ല്ലാ​ത്ത​ത് പ്ര​ധാ​ന ത​ട​സ്സ​മാ​ണ്. ആ​വ​ശ്യ​ത്തി​ന് വെ​ള്ള​വും മ​റ്റ് അ​ടി​സ്ഥാ​ന​സൗ​ക​ര്യ​വു​മി​ല്ല. വി​ശ്ര​മ​ത്തി​ന് സൗ​ക​ര്യ​മി​ല്ലാ​ത്ത​തി​നാ​ൽ ക​ണ്ടെ​യ്ന​റി​നോ​ട് ചേ​ർ​ന്ന് പ്ലാ​സ്റ്റി​ക് ടാ​ർ​പ്പോ​ളി​ൻ വ​ലി​ച്ചു​കെ​ട്ടി അ​തി​നു​ള്ളി​ൽ കാ​ട്ടു​ക​മ്പ് കൊ​ണ്ട് ഉ​ണ്ടാ​ക്കി​യ താ​ൽ​ക്കാ​ലി​ക സം​വി​ധാ​ന​ങ്ങ​ളാ​ണ് ഇ​വ​രു​ടെ ആ​ശ്ര​യം.

ഒ​രു സി.​ഐ ഉ​ൾ​പ്പ​ടെ മൂ​ന്ന് ഷി​ഫ്റ്റി​ലാ​യി 18 ജീ​വ​ന​ക്കാ​രു​ണ്ട്. അ​ടി​സ്ഥാ​ന​സൗ​ക​ര്യ​മി​ല്ലാ​ത്ത​തി​നാ​ൽ വ​നി​ത​ജീ​വ​ന​ക്കാ​രെ നി​യ​മി​ക്കാ​നാ​കു​ന്നി​ല്ല. ഇ​തു​കാ​ര​ണം സം​ശ​യി​ക്കു​ന്ന സ്ത്രീ​ക​ളെ വേ​ണ്ട​വി​ധം പ​രി​ശോ​ധി​ക്കാ​നു​ള്ള പ്ര​യോ​ഗി​ക ബു​ദ്ധി​മു​ട്ടു​ണ്ട്. ഈ ​കു​റ​വു​ക​ൾ ല​ഹ​രി​മാ​ഫി​യ ശ​രി​ക്കും മു​ത​ലാ​ക്കു​ന്നു​ണ്ട്.

ച​ര​ക്ക് വാ​ഹ​ന​ങ്ങ​ളി​ൽ ഒ​ളി​പ്പി​ച്ചു​കൊ​ണ്ടു​വ​രു​ന്ന ല​ഹ​രി​വ​സ്തു​ക്ക​ൾ ക​ണ്ടെ​ത്താ​നു​ള്ള സൗ​ക​ര്യ​വും ഇ​വി​ടെ​യി​ല്ല. മ​ഴ​യാ​യാ​ലും വെ​യി​ലാ​യാ​ലും വാ​ഹ​ന​ങ്ങ​ൾ പാ​ത​യോ​ര​ത്ത് നി​ർ​ത്തി പേ​രി​ന്​ പ​രി​ശോ​ധി​ച്ച് ല​ഹ​രി ഉ​ൽ​പ​ന്ന​ങ്ങ​ൾ ഇ​ല്ലെ​ന്ന് ഉ​റ​പ്പാ​ക്കി ക​ട​ത്തി​വി​ടു​ക​യാ​ണ്.

പ​രി​ശോ​ധ​ന​ക്ക് സൗ​ക​ര്യം ല​ഭി​ക്കു​ന്ന ബ​സു​ക​ള​ട​ക്കം യാ​ത്രാ​വാ​ഹ​ന​ങ്ങ​ളി​ൽ കൊ​ണ്ടു​വ​രു​ന്ന ല​ഹ​രി​വ​സ്തു​ക്ക​ൾ വ​ല്ല​പ്പോ​ഴും പി​ടി​കൂ​ടി കൃ​ത്യ​നി​ർ​വ​ഹ​ണം പൂ​ർ​ത്തി​യാ​ക്കേ​ണ്ട അ​വ​സ്ഥ​യി​ലാ​ണ് ഉ​ദ്യോ​ഗ​സ്ഥ​ർ. നി​ർ​ത്താ​തെ പോ​കു​ന്ന വാ​ഹ​ന​ങ്ങ​ൾ പി​ന്തു​ട​ർ​ന്ന് പി​ടി​കൂ​ടാ​നു​ണ്ടാ​യി​രു​ന്ന വാ​ഹ​നം ഇ​ല്ലാ​താ​യ​തോ​ടെ ഇ​ത്ത​രം പ​രി​ശോ​ധ​ന​യും ന​ട​ക്കു​ന്നി​ല്ല. ദേ​ശീ​യ​പാ​ത​യാ​യ​തി​നാ​ൽ എ​ല്ലാ​യ്​​പ്പോ​ഴും ബാ​രി​ക്കേ​ഡ്​ താ​ഴ്ത്തി​യി​ട്ട് വാ​ഹ​ന​ങ്ങ​ൾ പ​രി​ശോ​ധി​ക്കാ​ൻ ക​ഴി​യി​ല്ല. ഇ​ത്​ മു​ത​ലാ​ക്കി ജീ​വ​ന​ക്കാ​ർ കൈ​കാ​ണി​ച്ചാ​ലും നി​ർ​ത്താ​തെ പോ​കു​ന്ന വാ​ഹ​ന​ങ്ങ​ൾ നി​ര​വ​ധി​യാ​ണ്.

സൗ​ക​ര്യം ഉ​ണ്ടെ​ങ്കി​ലും സ​ർ​ക്കാ​ർ പ​രി​ഗ​ണി​ക്കു​ന്നി​ല്ല

അ​തി​ർ​ത്തി​യി​ലെ എ​ക്സൈ​സ് ചെ​ക്പോ​സ്റ്റ് പ​രി​ശോ​ധ​ന കു​റ്റ​മ​റ്റ​താ​ക്കി കേ​ര​ള​ത്തി​ലേ​ക്കു​ള്ള ല​ഹ​രി​ക​ട​ത്ത് ത​ട​യാ​നു​ള്ള എ​ല്ലാ സം​വി​ധാ​ന​ങ്ങ​ളും ആ​ര്യ​ങ്കാ​വി​ൽ നി​ല​വി​ലു​ണ്ട്. എ​ന്നാ​ൽ, സ​ർ​ക്കാ​ർ ഇ​തി​ന് ത​യാ​റാ​കു​ന്നി​ല്ലെ​ന്നാ​ണ് ആ​ക്ഷേ​പം. നി​ല​വി​ലെ ചെ​ക്പോ​സ്റ്റി​ന് സ​മീ​പം മോ​ട്ടോ​ർ വെ​ഹി​ക്കി​ളി​ന്‍റെ അ​ട​ച്ചു​പൂ​ട്ടി​യ ചെ​ക്പോ​സ്റ്റ് കെ​ട്ടി​ട​വും മ​റ്റ്​ സൗ​ക​ര്യ​ങ്ങ​ളു​മു​ണ്ട്.

കൂ​ടാ​തെ ജ​ങ്ഷ​നി​ൽ മു​മ്പ് പ്ര​വ​ർ​ച്ചി​രു​ന്ന വാ​ണി​ജ്യ​നി​കു​തി വ​കു​പ്പി​ന്‍റെ കെ​ട്ടി​ട​സൗ​ക​ര്യ​വും ഒ​ഴി​ഞ്ഞു​കി​ട​ക്കു​ന്നു. ഇ​വി​ട​ങ്ങ​ളി​ലേ​ക്ക് എ​ക്സൈ​സ് ചെ​ക്പോ​സ്റ്റ് മാ​റ്റി ജീ​വ​ന​ക്കാ​ർ​ക്ക് മ​തി​യാ​യ സൗ​ക​ര്യം ഒ​രു​ക്കി അ​തി​ർ​ത്തി​യി​ലെ പ​രി​ശോ​ധ​ന ക​ർ​ശ​ന​മാ​ക്കി​യാ​ലേ ഇ​തു​വ​ഴി​യു​ള്ള ല​ഹ​രി ക​ട​ത്ത് നി​യ​ന്ത്രി​ക്കാ​നാ​കൂ.