കൊട്ടാരക്കരയിൽ വ്യാപക നാശം; നിരവധി വീടുകൾ തകർന്നു

കൊട്ടാരക്കര: കനത്ത മഴയിൽ വ്യാപക നാശനഷ്ടം. കൊട്ടാരക്കര താലൂക്കിലെ വിവിധ വില്ലേജുകളിൽ വീടുകൾ പൂർണമായും ഭാഗികമായും തകരുകയും പല വീടുകളിലെയും കിണറുകൾ, മതിലുകൾ എന്നിവക്ക് നാശനഷ്ടം സംഭവിക്കുകയും ചെയ്തു.

ഓടനാവട്ടത്ത് ചെപ്ര രത്നാമംഗലത്തു വീട്ടിൽ രത്നമ്മയുടെ വീട് പൂർണമായും തകർന്നു. വെളിനല്ലൂർ 4 വീടുകൾ വാളകം 1, എഴുകോൺ 2, വെട്ടിക്കവല 1, കരീപ്ര 3, പവിത്രേശ്വരം 1, ചക്കുവരക്കൽ 1, മേലില 1, നിലമേൽ 2, ചടയമംഗലം 1,നെടുവത്തൂർ 1,ഇളമാട് 1, ഓടനാവട്ടം 5,കുമ്മിൽ 2 എന്നിങ്ങനെയാണ് തർന്ന വീടുകളുടെ കണക്ക്. ആകെ 6,78,500 രൂപയുടെ നാശനഷ്ടം കണക്കാക്കുന്നതായി കൊട്ടാരക്കര തഹസിൽദാർ അറിയിച്ചു.