വെങ്കിട
സുബ്രഹ്മണ്യൻ
കൊട്ടാരക്കര: ലോട്ടറി കടയിൽ മോഷണം നടത്താൻ ശ്രമിച്ച തമിഴ്നാട് സ്വദേശി പൊലീസ് പിടിയിലായി. തമിഴ്നാട് തെങ്കാശി സ്വദേശിയായ വെങ്കിടസുബ്രഹ്മണ്യനാണ് (29) കൊട്ടാരക്കര പൊലീസിന്റെ പിടിയിലായത്. ബുധനാഴ്ച പുലർച്ച കൊട്ടാരക്കര ചന്തമുക്കിലുള്ള ജയകുമാറിന്റെ ലോട്ടറി കടയുടെ പൂട്ട് പൊളിച്ച് മോഷണം നടത്താൻ ശ്രമിക്കുകയായിരുന്നു. തുടർന്ന് സ്ഥലത്തുനിന്ന് പുലമൺ ഭാഗത്തേക്ക് ഓടിപ്പോയതായി വിവരം ലഭിച്ചു.
ഉടനെതന്നെ കൊട്ടാരക്കര പൊലീസ് അവിടെ എത്തുകയും പരിശോധനയിൽ ലോട്ടസ് റോഡിൽ മുത്താരമ്മൻ കോവിലിന് സമീപത്തുനിന്നും മോഷ്ടാവിനെ പിടികൂടുകയായിരുന്നു. ചോദ്യം ചെയ്യലിൽ ഒരാഴ്ച മുമ്പും ഈ കടയിൽനിന്ന് 7000 രൂപയും സമ്മാനാർഹമായ ലോട്ടറി ടിക്കറ്റുകളും മോഷ്ടിച്ച് ആര്യങ്കാവിൽ കൊണ്ടുപോയി തുക കൈക്കലാക്കിയിട്ടുള്ളതായി വെളിപ്പെടുത്തിയതായി പൊലീസ് അറിയിച്ചു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.