തന്‍സീല്‍
ശക്തികുളങ്ങര: സുഹൃത്തിന്റെ പിതാവിനെ ഉപദ്രവിക്കുന്നത് തടയാന്‍ ശ്രമിച്ച വിരോധത്തില്‍ യുവാവിനെ കുത്തിപ്പരിക്കേൽപിച്ച പ്രതി പിടിയില്‍. ശക്തികുളങ്ങര കന്നിമേല്‍ചേരി തട്ടാന്‍തറ ആമച്ചിറ വീട്ടില്‍ തന്‍സീല്‍ ആണ് (24) ശക്തികുളങ്ങര പൊലീസിന്റെ പിടിയിലായത്. കന്നിമേല്‍ചേരി കോലാശ്ശേരില്‍ ബിജുവിനെയാണ് കഴുത്തില്‍ കുത്തിപ്പരിക്കേൽപിച്ചത്.
ശക്തികുളങ്ങരയില്‍ നിർമാണത്തിലിരുന്ന വീട്ടില്‍നിന്ന് നിർമാണസാമഗ്രികള്‍ മോഷ്ടിച്ച കേസില്‍ അറസ്റ്റിലായ ഇയാള്‍ ജാമ്യത്തില്‍ ഇറങ്ങിയാണ് വീണ്ടും കുറ്റകൃത്യത്തിലേര്‍പ്പെട്ടത്. ശക്തികുളങ്ങര ഇന്‍സ്‌പെക്ടര്‍ ബിനു വര്‍ഗീസിന്റെ നേതൃത്വത്തില്‍ എസ്.ഐ മാരായ ആശ, ദിലീപ്, ഷാജഹാന്‍, സി.പി.ഒ ക്രിസ്റ്റഫര്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.