തടിക്കാട്ട്​ വാക്സിനേഷനെച്ചൊല്ലി പരാതി

(ചിത്രം) അഞ്ചൽ: തടിക്കാട്ടിലെ ഇടമുളയ്ക്കൽ പ്രൈമറി ഹെൽത്ത് സൻെററിൽ നടക്കുന്ന കോവിഡ് വാക്സിനേഷനെപ്പറ്റി വ്യാപക പരാതി. വാക്സിൻ നൽകുന്നതിൽ ജനപ്രതിനിധികളും ജീവനക്കാരും ഒത്തുകളി നടത്തുകയാണെന്നും അർഹതപ്പെട്ടവർക്ക് വാക്സിൻ ലഭ്യമാക്കുന്നില്ലെന്നും നാട്ടുകാർ ആരോപിക്കുന്നു. ഇതിനെതിരെ നാട്ടുകാർ സ്ഥലത്ത് പോസ്​റ്ററുകൾ പതിച്ച് പ്രതിഷേധം രേഖപ്പെടുത്തി. കോവിഡ് വാക്സിൻ കുത്തിവെപ്പുമായി ബന്ധപ്പെട്ട് ആശുപത്രിയെപ്പറ്റി നേരത്തേയും നാട്ടുകാർ ആക്ഷേപമുന്നയിച്ചിട്ടുണ്ട്. രജിസ്ട്രേഷൻ നടത്തി കുത്തിവെപ്പെടുക്കാനെത്തിയ ആളെ മൊബൈൽ ഫോൺ ഇല്ലെന്ന കാരണത്താൽ വാക്​സിൻ നൽകാതെ പറഞ്ഞുവിട്ട സംഭവവുമുണ്ടായിട്ടുണ്ട്. ഓട്ടോറിക്ഷ സ്​റ്റാൻഡ് മാറ്റി അഞ്ചൽ: ആയൂർ ജങ്ഷനിൽ പാർക്ക് ചെയ്യുന്ന ഓട്ടോറിക്ഷകൾ തിങ്കളാഴ്ച മുതൽ ആയൂർ മാർക്കറ്റിലേക്ക് കയറുന്ന റോഡി​ൻെറ പിറകിലേക്ക് എം.സി റോഡിൽ വ്യാപാര സ്ഥാപനങ്ങൾക്കും പൊതുജനങ്ങൾക്കും തടസ്സമുണ്ടാകാത്ത വിധത്തിൽ മാറ്റി പാർക്ക് ചെയ്യണമെന്ന് ഇടമുളയ്ക്കൽ ഗ്രാമപഞ്ചായത്ത് ട്രാഫിക് ​െറഗുലേറ്ററി കമ്മിറ്റി ചെയർപേഴ്സൺ അറിയിച്ചു. ഹൈകോടതി നിർദേശപ്രകാരമാണ് തീരുമാനമെന്നും എല്ലാ ഡ്രൈവർമാരും സഹകരിക്കണമെന്നും ചെയർപേഴ്സൺ അറിയിച്ചു. ബാലികയെ ഉപദ്രവിക്കാൻ ശ്രമിച്ചയാൾ അറസ്​റ്റിൽ (ചിത്രം) അഞ്ചൽ: ഭിന്നശേഷിക്കാരിയായ ബാലികയെ ഉപദ്രവിക്കാൻ ശ്രമിച്ചയാളെ ചടയമംഗലം പൊലീസ് അറസ്​റ്റ്​ ചെയ്തു. ചടയമംഗലം പാറയടിയിൽ പ്രകാശ് (37) ആണ് അറസ്​റ്റിലായത്. കഴിഞ്ഞ വ്യാഴാഴ്ച വൈകീട്ട്​ നാലോടെ വീട്ടിൽ കയറി പെൺകുട്ടിയെ ഉപദ്രവിക്കാൻ ശ്രമിച്ചു. പെൺകുട്ടി ബഹളം ​െവച്ചതോടെ പ്രകാശ് ഇറങ്ങി ഓടി. രക്ഷാകർത്താക്കളുടെ പരാതിയെത്തുടർന്ന് പൊലീസ് കേസെടുത്തു. കഴിഞ്ഞ ദിവസമാണ് പ്രതിയെ അറസ്​റ്റ്​ ചെയ്തത്. കൊട്ടാരക്കര കോടതിയിൽ ഹാജരാക്കി റിമാൻഡ്​​ ചെയ്തു.