കൊട്ടാരക്കര: മഹാദേവ ക്ഷേത്രത്തിൽ നടന്ന മോഷണക്കേസിൽ പ്രതിയെ പൊലീസ് അറസ്റ്റ് ചെയ്തു. വെട്ടിക്കവല കുറ്റിക്കോണം സജിത്ത് ഭവനിൽ സജിത്തിനെയാണ് (40) കൊട്ടാരക്കര പൊലീസ് പിടികൂടിയത്.
കഴിഞ്ഞവർഷം ഡിസംബർ 14ന് രാത്രി എട്ടിനും 15ന് രാവിലെ ആറിനും ഇടയിലുള്ള സമയത്ത് ക്ഷേത്രത്തിനുള്ളിൽ അതിക്രമിച്ചുകയറിയ പ്രതി ക്ഷേത്രത്തിനുള്ളിൽ സൂക്ഷിച്ചിരുന്ന രണ്ട് വഞ്ചികളും പുറത്തുസൂക്ഷിച്ചിരുന്ന രണ്ട് വഞ്ചികളും കുത്തിത്തുറന്ന് ഏകദേശം പതിനായിരം രൂപ മോഷ്ടിച്ചു. ഇതിന് പുറമേ ഓഫിസിൽ സൂക്ഷിച്ചിരുന്ന മേശകൾ കുത്തിത്തുറന്ന് നശിപ്പിക്കുകയും ഏകദേശം 50,000 രൂപ വിലമതിക്കുന്ന സി.സി.ടി.വി കാമറകൾ തകർക്കുകയും ചെയ്തു.
പ്രതിക്കെതിരെ കൊല്ലം റൂറൽ ജില്ലയിലെ ചടയമംഗലം, അഞ്ചൽ, പൂയപ്പള്ളി, പുത്തൂർ പൊലീസ് സ്റ്റേഷൻ പരിധികളിലും സമാനമായ മോഷണക്കേസുകൾ നിലവിലുണ്ട്. കൂടാതെ കോട്ടയം, ചാത്തന്നൂർ, മംഗലപുരം, ഫോർട്ട് സ്റ്റേഷൻ പരിധികളിലും ഇയാൾക്കെതിരെ കേസുകൾ രജിസ്റ്റർ ചെയ്തിട്ടുണ്ട്. കൊട്ടാരക്കര സി.ഐ ജയകൃഷ്ണന്റെ നേതൃത്വത്തിൽ എസ്.ഐ അഭിലാഷ്, പങ്കജ് കൃഷ്ണ, ലയ, സാബു, സിവിൽ പൊലീസ് ഓഫിസർമാരായ ശ്യാം കൃഷ്ണൻ, രാജേഷ്, ശുഭ, രേഖ എന്നിവർ ഉൾപ്പെട്ട പ്രത്യേക സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.