എ​വി​ടെ നീ​ലേ​ശ്വ​ര​ത്തെ ദു​ര​ന്ത​നി​വാ​ര​ണ​സേ​ന കേ​ന്ദ്രം?

നീ​ലേ​ശ്വ​രം: ജി​ല്ല​യി​ൽ കാ​ല​വ​ർ​ഷം ക​ന​ത്ത​തോ​ടെ റെ​ഡ് അ​ല​ർ​ട്ട് പ്ര​ഖ്യാ​പ​നം വ​ന്ന​തോ​ടെ താ​ഴ്ന്ന പ്ര​ശേ​ങ്ങ​ളി​ൽ താ​മ​സി​ക്കു​ന്ന​വ​രും പു​ഴ​യോ​ര​ത്ത് താ​മ​സി​ക്കു​ന്ന​വ​രും വെ​ള്ള​പ്പൊ​ക്ക ഭീ​ഷ​ണി വ​രു​മെ​ന്ന ആ​ശ​ങ്ക​യി​ലാ​ണ്. ഇ​ത് കൂ​ടാ​തെ കു​ന്നി​ൻ​ചെ​രി​വു​ക​ളി​ൽ താ​മ​സി​ക്കു​ന്ന കു​ടും​ബ​ങ്ങ​ളും തീ​ര​ദേ​ശ​ത്ത് താ​മ​സി​ക്കു​ന്ന​വ​രും കാ​ല​വ​ർ​ഷം ആ​രം​ഭി​ച്ച​തോ​ടെ ഭീ​തി​യി​ലാ​ണ്.

ഇ​ങ്ങ​നെ പ്ര​ള​യ​വും ഉ​രു​ൾ​പൊ​ട്ട​ലും ക​ട​ൽ​ക്ഷോ​ഭ​വും വ​രു​മ്പോ​ൾ നീ​ലേ​ശ്വ​ര​ത്ത് അ​നു​വ​ദി​ച്ച ദു​ര​ന്ത നി​വാ​ര​ണ​സേ​ന കേ​ന്ദ്രം സ്ഥാ​പി​ക്കാ​നു​ള്ള തീ​രു​മാ​നം സ​ർ​ക്കാ​ർ ന​ട​പ്പി​ലാ​ക്കാ​തെ ഫ​യ​ലി​ൽ കി​ട​ക്കു​ക​യാ​ണെ​ന്നാ​ണ് ആ​രോ​പ​ണം.

നീ​ലേ​ശ്വ​രം പാ​ലാ​ത്ത​ടം പി.​കെ. രാ​ജ​ൻ മെ​മ്മോ​റി​യ​ൽ കാ​മ്പ​സി​ന് സ​മീ​പ​ത്തെ ഭൂ​മി​യാ​ണ് ജി​ല്ല​ക്ക​നു​വ​ദി​ച്ച ദു​ര​ന്ത നി​വാ​ര​ണ സേ​ന കേ​ന്ദ്രം സ്ഥാ​പി​ക്കാ​ൻ ക​ണ്ടെ​ത്തി​യ​ത്. പാ​ലാ​ത്ത​ടം റോ​ഡ​രി​കി​ലു​ള്ള ഏ​ട്ട് ഏ​ക്ക​ർ റ​വ​ന്യൂ ഭൂ​മി കെ​ട്ടി​ടം നി​ർ​മി​ക്കാ​ൻ ക​ണ്ടെ​ത്തു​ക​യും ചെ​യ്തു.

2014ലാ​ണ് സം​സ്ഥാ​ന​ത്ത് പ്ര​കൃ​തി​ദു​ര​ന്ത​ങ്ങ​ൾ സം​ഭ​വി​ച്ച​പ്പോ​ൾ ജി​ല്ല​യി​ലും ഒ​രു ദു​ര​ന്ത നി​വാ​ര​ണ സേ​ന കേ​ന്ദ്രം വേ​ണ​മെ​ന്ന ആ​വ​ശ്യ​ത്തെ​തു​ട​ർ​ന്ന് സം​സ്ഥാ​ന സ​ർ​ക്കാ​ർ പ്ര​വ​ർ​ത്ത​ന​ങ്ങ​ളു​മാ​യി മു​ന്നോ​ട്ടു​പോ​യ​ത്.

കേ​ന്ദ്ര​ത്തി​നാ​യി പാ​ലാ​ത്ത​ട​ത്ത് സ്ഥ​ലം ക​ണ്ടെ​ത്തി​യ​പ്പോ​ൾ 2014ലെ ​ദു​ര​ന്ത​നി​വാ​ര​ണ വി​ഭാ​ഗം മേ​ധാ​വി ഡോ. ​ബി. സ​ന്ധ്യ പാ​ലാ​ത്ത​ട​ത്തെ​ത്തി സ്ഥ​ലം സ​ന്ദ​ർ​ശി​ച്ചി​രു​ന്നു. സേ​ന കേ​ന്ദ്ര​ത്തി​ന് ഏ​റ്റ​വും അ​നു​യോ​ജ്യ​മാ​യ സ്ഥ​ല​മാ​ണെ​ന്ന് ഡോ. ​ബി. സ​ന്ധ്യ വി​ല​യി​രു​ത്തു​ക​യും ചെ​യ്തു.

സേ​ന കേ​ന്ദ്രം വ​രു​ന്ന സ​മീ​പ​ത്ത് റെ​യി​ൽ​വേ സ്റ്റേ​ഷ​ൻ, നീ​ണ്ട ക​ട​ൽ​തീ​രം, പു​ഴ, ഹെ​ലി​പ്പാ​ടി​ന് അ​നു​യോ​ജ്യം എ​ന്ന് പ​രി​ഗ​ണി​ച്ചാ​ണ് പാ​ലാ​ത്ത​ട​ത്ത് മ​തി​യെ​ന്ന ധാ​ര​ണ​യി​ൽ അ​ധി​കൃ​ത​ർ എ​ത്തി​യ​ത്. എ​ന്നാ​ൽ, കാ​ല​വ​ർ​ഷം അ​തി​തീ​വ്ര ശ​ക്തി​യി​ൽ എ​ത്തി​യി​ട്ടും ജി​ല്ല​ക്ക​നു​വ​ദി​ച്ച ദു​ര​ന്ത നി​വാ​ര​ണ സേ​ന കേ​ന്ദ്ര​ത്തി​ന്റെ ഫ​യ​ൽ തു​റ​ന്നു നോ​ക്കാ​ൻ അ​ധി​കൃ​ത​ർ​ക്ക് ഇ​തു​വ​രെ ക​ഴി​ഞ്ഞി​ട്ടി​ല്ല.