കല്ലുമ്മക്കായ വിളവെടുപ്പ് നീലേശ്വരം നഗരസഭ ചെയർമാൻ പി.പി. മുഹമ്മദ് റാഫി ഉദ്ഘാടനം ചെയ്യുന്നു
നീലേശ്വരം: നഗരസഭയുടെ സഹകരണത്തോടെ ഫിഷറീസ് വകുപ്പിന്റെ ജനകീയ മത്സ്യകൃഷിയുടെ ഭാഗമായി ഓർച്ച പുഴയിൽ കർഷകനായ ഫൈസലിന്റെ കല്ലുമ്മക്കായ മത്സ്യകൃഷിയിൽ നൂറുമേനി വിളവെടുപ്പ്.
ആദ്യ വിളവെടുപ്പിൽതന്നെ കല്ലുമ്മക്കായ കൃഷി വിജയിച്ചതോടെ കൂടുതലാളുകൾ മുന്നോട്ടുവന്നതോടെ നഗരസഭയിലെ മുഴുവൻ സ്ഥലത്തും വ്യാപിപ്പിക്കാനുള്ള ശ്രമത്തിലാണ് അധികൃതർ. നഗരസഭയുടെ സഹകരണത്തോടെ ഫിഷറീസ് വകുപ്പിന്റെ 2025-26 സാമ്പത്തികവർഷത്തെ പദ്ധതിയിൽ ഉൾപ്പെടുത്തിയാണ് കൃഷി ആരംഭിച്ച് വിജയകരമായി വിളവെടുത്തത്. നീലേശ്വരം നഗരസഭ ചെയർമാൻ പി.പി. മുഹമ്മദ് റാഫി വിളവെടുപ്പ് ഉദ്ഘാടനം ചെയ്തു.
വാർഡ് കൗൺസിലർ പി.വി. സതീശൻ അധ്യക്ഷതവഹിച്ചു. എം.കെ. വിനയരാജ്, ശശികല, എൻ.പി. സുബൈർ, പി. കലാം, ടി.വി. ബാബു, കൃഷ്ണൻ ഫൈസൽ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.