റോഡ് നവീകരണം; സുരക്ഷ ഒരുക്കാതെ കെട്ടിടങ്ങൾ പൊളിക്കുന്നു

നീ​ലേ​ശ്വ​രം: ഒ​രു സു​ര​ക്ഷ​സം​വി​ധാ​ന​ങ്ങ​ളു​മൊ​രു​ക്കാ​തെ കൂ​റ്റ​ൻ കെ​ട്ടി​ട​ങ്ങ​ൾ പൊ​ളി​ക്കു​ന്ന​ത് ജ​ന​ങ്ങ​ളു​ടെ ജീ​വ​നു​ത​ന്നെ ഭീ​ഷ​ണി​യാ​കു​ന്നു. നീ​ലേ​ശ്വ​രം മേ​ൽ​പാ​ല​ത്തി​ന് താ​ഴെ തു​ട​ങ്ങി താ​ലൂ​ക്കാ​ശു​പ​ത്രി​വ​രെ​യു​ള്ള റോ​ഡ് ന​വീ​ക​ര​ണ​ത്തി​ന്റെ ഭാ​ഗ​മാ​യാ​ണ് സു​ര​ക്ഷ​യൊ​രു​ക്കാ​തെ അ​പ​ക​ടം വ​ര​ത്ത​ക്ക​രീ​തി​യി​ൽ കെ​ട്ടി​ട​ങ്ങ​ൾ പൊ​ളി​ക്കു​ന്ന​ത്.

മേ​ൽ​പാ​ല​ത്തി​ന്റെ കി​ഴ​ക്കു​ഭാ​ഗ​ത്തെ റോ​ഡി​നോ​ടു​ചേ​ർ​ന്ന ഇ​രു​നി​ല കെ​ട്ടി​ടം യ​ന്ത്ര​മു​പ​യോ​ഗി​ച്ച് ക​ഴി​ഞ്ഞ​ദി​വ​സം പൊ​ളി​ച്ചി​ട്ടു. 24 മ​ണി​ക്കൂ​റോ​ളം വാ​ഹ​ന​ങ്ങ​ളു​ള്ള ഈ ​റോ​ഡി​ൽ കെ​ട്ടി​ടം വീ​ണ​ത് റോ​ഡി​ന് സ​മീ​പ​ത്താ​ണ്. ജ​ന​ങ്ങ​ൾ​ക്ക് കാ​ണ​ത്ത​ക്ക​വി​ധ​ത്തി​ൽ മു​ന്ന​റി​യി​പ്പ് ബോ​ർ​ഡോ കെ​ട്ടി​ടം പൂ​ർ​ണ​മാ​യി മ​റ​ക്കാ​നോ വാ​ഹ​ന​ങ്ങ​ളെ നി​യ​ന്ത്രി​ക്കാ​നോ ഒ​ന്നും ഇ​വി​ടെ ഏ​ർ​പ്പെ​ടു​ത്തി​യി​ട്ടി​ല്ല.

ഇ​നി​യും മൂ​ന്നും നാ​ലും നി​ല​ക​ളു​ള്ള കെ​ട്ടി​ട​ങ്ങ​ൾ പൊ​ളി​ച്ചു​നീ​ക്കാ​നു​ണ്ട്. നി​ര​വ​ധി ബ​സു​ക​ളാ​ണ് മി​നി​റ്റു​ക​ളു​ടെ വ്യ​ത്യാ​സ​ത്തി​ൽ സ​മീ​പ​ത്തു​ള്ള റോ​ഡി​ലൂ​ടെ ക​ട​ന്നു​പോ​കു​ന്ന​ത്. പേ​രോ​ൽ, നീ​ലേ​ശ്വ​രം ഗ​വ. എ​ൽ.​പി സ്കൂ​ൾ, രാ​ജാ​സ് ഹ​യ​ർ സെ​ക്ക​ൻ​ഡ​റി, സെ​ൻ്റ് പീ​റ്റേ​ഴ്സ്, ന​ഗ​ര​സ​ഭ ബ​ഡ്സ് സ്കൂ​ൾ എ​ന്നി​വി​ട​ങ്ങ​ളി​ലെ നി​ര​വ​ധി സ്കൂ​ൾ​ബ​സു​ക​ളും ഇ​തു​വ​ഴി ക​ട​ന്നു​പോ​കു​ന്നു​ണ്ട്.

പൊ​ളി​ച്ചി​ട്ട കെ​ട്ടി​ട​ത്തി​ന്റെ തു​രു​മ്പി​ച്ച ക​മ്പി​യ​ട​ക്ക​മു​ള്ള അ​വ​ശി​ഷ്ട​ങ്ങ​ൾ ന​ട​പ്പാ​ത​യു​ടെ മു​ക​ളി​ലേ​ക്കാ​ണ് വീ​ണ​ത്. കാ​ൽ​ന​ട​ക്കാ​ർ ക​ട​ന്നു​പോ​കു​ന്ന വ​ഴി​യി​ൽ​നി​ന്ന് ഇ​ത് മാ​റ്റാ​ൻ​പോ​ലും ക​രാ​റു​കാ​ർ ത​യാ​റാ​യി​ട്ടി​ല്ല. മേ​ൽ​പാ​ല​ത്തി​ന്റെ താ​ഴെ ര​ണ്ട് സ​ഹ​ക​ര​ണ ആ​ശു​പ​ത്രി​യും പ്ര​വ​ർ​ത്തി​ക്കു​ന്നു​ണ്ട്. ജ​ന​ങ്ങ​ളു​ടെ ജീ​വ​ന് വി​ല​ക​ൽ​പി​ക്കാ​ത്ത ഇ​ത്ത​രം പൊ​ളി​ച്ചു​മാ​റ്റ​ൽ പ്ര​വൃ​ത്തി​യി​ൽ ന​ഗ​ര​സ​ഭ അ​ധി​കൃ​ത​ർ ഇ​ട​പെ​ട​ണ​മെ​ന്ന ആ​വ​ശ്യ​മു​യ​ർ​ന്നു.