ചെറുവത്തൂർ: അരയാലിൻകീഴ്- നാടാച്ചേരി പലേരി കരുണാകരന്റെയും വാഴക്കോടൻ തമ്പായിയുടെയും മകൻ ശ്രീജിത്തിന്റെ (38) മരണത്തിൽ ദുരൂഹതയെന്ന് ബന്ധുക്കൾ. ശനിയാഴ്‌ച രാത്രിയാണ്‌ കോഴിക്കോട് നാദാപുരം നരിക്കാട്ടേരി കാരയിൽ കനാൽ പരിസരത്ത്‌ ഇദ്ദേഹത്തെ ദുരൂഹ സാഹചര്യത്തിൽ പരിക്കേറ്റ നിലയിൽ കണ്ടെത്തിയത്‌. പൊലീസെത്തി നാദാപുരം താലൂക്ക്‌ ആശുപത്രിയിലും വടകര ജില്ല ആശുപത്രയിലും എത്തിച്ചെങ്കിലും ജീവൻ രക്ഷിക്കാനായില്ല.
ശ്രീജിത്തിന്റെ കാറിന്‌ ഒരുപോറലും ഏറ്റിട്ടില്ലെന്നും ബന്ധുക്കൾ പറഞ്ഞു. വാഹനത്തിൽ ഒരാൾ കൂടി ഉണ്ടായിരുന്നുവെന്നും സംഭവ ശേഷം അയാളെ കാണാനില്ലെന്നും ബന്ധുക്കൾ പറഞ്ഞു. ശ്രീജിത്തിന്റെ മരണം കൊലപാതകമാണെന്ന്‌ സംശയമുള്ളതിനാൽ സമഗ്ര അന്വേഷണം വേണമെന്നാണ്‌ ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.