എടക്കാട്: മുഴപ്പിലങ്ങാട് പഞ്ചായത്തിലെ ഒന്നാം വാർഡിലെ പാച്ചാക്കര റോഡ്, ആയാറത്ത് പാലം റോഡ്, വാർഡ് 15ലെ കെട്ടിനകം ഭാഗത്തെ റോഡ് എന്നിവയുടെ നവീകരണം നടത്താത്തത് വരുന്ന മഴക്കാലത്ത് ജനങ്ങൾക്ക് ദുരിത യാത്രയാകും.
സ്കൂൾ വാനുകൾ ഉൾപ്പെടെ നിരവധി വാഹനങ്ങൾ കടന്നു പോകുന്ന റോഡുകളാണിത്. ആയറത്ത് പാലം റോഡ് വഴി ഏഴര മുനമ്പ് തോട്ടട എന്നീ പ്രദേശങ്ങളിലേക്കും വാഹനങ്ങൾ പോകുന്നുണ്ട് നടാൽ ഗേറ്റ് ലോക്കാവുന്ന ഘട്ടത്തിൽ വാഹനങ്ങൾ തലശ്ശേരി റോഡിലെത്താൻ ആയാറത്ത് എടക്കാട് റോഡിനെയാണ് ആശ്രയിക്കുന്നത്.
ആയാറത്ത് പാലം മുതൽ ബീച്ച് റോഡ് ജങ്ഷൻ വരെ കഴിഞ്ഞ വർഷമാണ് നവീകരിച്ചത്. എന്നാൽ, ഒരു മഴക്കാലം കഴിഞ്ഞതോടെ റോഡ് പൂർണമായും തകർന്നിരിക്കുകയാണ്. റോഡ് കല്ലിട്ട് ഉയർത്തിക്കൊണ്ട് നല്ല രീതിയിൽ ടാർ ചെയ്യണമെന്നാണ് നാട്ടുകാരുടെ ആവശ്യം.
പാച്ചാക്കര റോഡ് മുനീറുൽ ഇസ് ലാം മദ്രസ മുതൽ പൊട്ടിപ്പൊളിഞ്ഞ നിലയിലാണുള്ളത്. കെട്ടിനകം ഭാഗത്തെ ബിസ്മില്ല സ്റ്റോറിനടുത്ത് ഗംഗൻ പീടികക്ക് സമീപവും റോഡ് തകർന്നിട്ടുണ്ട്. താൽക്കാലിക അറ്റകുറ്റപ്പണികൾ നടത്തിയത് കൊണ്ടാണ് റോഡ് തുടർച്ചയായി പൊട്ടിപ്പൊളിയുന്നതെന്നും പൂർണമായും റോഡ് നന്നാക്കുകയാണ് വേണ്ടതെന്നും നാട്ടുകാർ പറയുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.