ഗൂഗ്ൾ മാപ് വഴിതെറ്റിച്ചു മുഹൂർത്ത വേളയിൽ വധു ഇരിട്ടിയിൽ; വരൻ പയ്യോളിയിൽ

ഇ​രി​ട്ടി: വി​വാ​ഹം ന​ട​ക്കേ​ണ്ട അ​മ്പ​ല​ത്തി​ന്റെ ലൊ​ക്കേ​ഷ​ൻ മാ​റി ഗൂ​ഗ്ൾ മാ​പ് പ​റ്റി​ച്ച പ​ണി​യി​ൽ പു​ലി​വാ​ല് പി​ടി​ച്ച​ത് വ​ധൂ​വ​ര​ന്മാ​രും ബ​ന്ധു​ക്ക​ളും. മു​ഹൂ​ർ​ത്ത​ത്തി​ന് താ​ലി​കെ​ട്ട​ൽ ന​ട​ക്കാ​ത്ത​തി​നു പു​റ​മെ ക്ഷേ​ത്രം പൂ​ജാ​രി​ക്ക് പ​ക​രം ക്ഷേ​ത്രം ജീ​വ​ന​ക്കാ​ര​നെ പ​രി​ക​ർ​മി ആ​ക്കേ​ണ്ട​താ​യും വ​ന്നു. മു​ഹൂ​ർ​ത്തം ക​ഴി​ഞ്ഞി​ട്ടും വ​ര​നെ കാ​ണാ​തെ ആ​ശ​ങ്ക​യു​ടെ മു​ൾ​മു​ന​യി​ൽ നി​ന്ന വ​ധു​വി​ന് ശ്വാ​സം നേ​രെ വീ​ണ​ത് മൂ​ന്ന് മ​ണി​ക്കൂ​ർ ക​ഴി​ഞ്ഞെ​ത്തി​യെ വ​ര​ൻ താ​ലി​ചാ​ർ​ത്തി വ​ര​ണ​മാ​ല്യം അ​ണി​യി​ച്ച​പ്പോ​ഴാ​ണ്.

പ​ത്ത​നം​തി​ട്ട സ്വ​ദേ​ശി​യാ​യ വ​ര​ൻ ത​ല​ശ്ശേ​രി​യി​​​ലെ​ത്തി ഗൂ​ഗ്ൾ മാ​പ് വ​ഴി സ​ഞ്ച​രി​ച്ച​താ​ണ് വി​ന​യാ​യ​ത്. ഇ​രി​ട്ടി കീ​ഴൂ​ർ മ​ഹാ​വി​ഷ്ണു ക്ഷേ​ത്ര​ത്തി​ൽ വി​വാ​ഹ​ത്തി​ന് എ​ത്തേ​ണ്ട വ​ര​ൻ എ​ത്തി​യ​ത് വ​ട​ക​ര പ​യ്യോ​ളി​യി​ലെ കീ​ഴൂ​ർ ശി​വ​ക്ഷേ​ത്ര​ത്തി​ൽ. പ​ത്ത​ര​ക്കും പ​തി​നൊ​ന്ന​ര​ക്കും ഇ​ട​യി​ലെ മു​ഹൂ​ർ​ത്ത​ത്തി​ലാ​യി​രു​ന്നു പ​ത്ത​നം​തി​ട്ട സ്വ​ദേ​ശി​യാ​യ വ​ര​ന്റെ​യും ഇ​രി​ട്ടി മാ​ട​ത്തി​ൽ സ്വ​ദേ​ശി​നി​യു​ടെ​യും വി​വാ​ഹം ന​ട​ക്കേ​ണ്ടി​യി​രു​ന്ന​ത്.

മു​ഹൂ​ർ​ത്ത സ​മ​യം ക​ഴി​യാ​റാ​യി​ട്ടും വ​ര​നെ​യും സം​ഘ​ത്തേ​യും കാ​ണാ​തെ ഫോ​ണി​ൽ ബ​ന്ധ​പ്പെ​ട്ട​പ്പോ​ൾ ഇ​പ്പോ​ൾ എ​ത്തും എ​ന്ന മ​റു​പ​ടി​യാ​ണ് കി​ട്ടി​യ​ത്. അ​ൽ​പ സ​മ​യ​ത്തി​ന് ശേ​ഷം വ​ര​നും സം​ഘ​വും അ​മ്പ​ല​ത്തി​ൽ എ​ത്തി ഞ​ങ്ങ​ൾ ശി​വ​ക്ഷേ​ത്ര​ത്തി​ൽ നി​ൽ​പു​ണ്ടെ​ന്നു പ​റ​ഞ്ഞു. മ​ഹാ​വി​ഷ്ണു ക്ഷേ​ത്ര​ത്തി​നു പു​റ​മെ അ​ടു​ത്തു​ള്ള കീ​ഴൂ​ർ മ​ഹാ​ദേ​വ ക്ഷേ​ത്ര​ത്തി​ൽ എ​ത്തി​യും വ​ധു​വി​ന്റെ ബ​ന്ധു​ക്ക​ൾ പ​രി​ശോ​ധി​ച്ചി​ട്ടും വ​ര​നും സം​ഘ​വു​മി​ല്ല. വീ​ണ്ടും തി​രി​ച്ചു​വി​ളി​ച്ച​പ്പോ​ഴാ​ണ് ഞ​ങ്ങ​ൾ വ​ട​ക​ര പ​യ്യോ​ളി​യി​ലെ കീ​ഴൂ​ർ ശി​വ​ക്ഷേ​ത്ര​ത്തി​ൽ നി​ൽ​ക്കു​ക​യാ​ണെ​ന്ന് അ​റി​യി​ച്ച​ത്. വ​ര​നും വ​ധു​വും നി​ൽ​ക്കു​ന്ന അ​മ്പ​ല​ങ്ങ​ൾ ത​മ്മി​ൽ 60ല​ധി​കം കി​ലോ​മീ​റ്റ​റി​ന്റെ വ്യ​ത്യാ​സം ഉ​ണ്ടെ​ന്ന് അ​പ്പോ​ഴാ​ണ് അ​റി​യു​ന്ന​ത്.

ഗൂ​ഗ്ൾ മാ​പ് നോ​ക്കി വ​ന്ന വ​ര​ൻ പ​യ്യോ​ളി കീ​ഴൂ​ർ ശി​വ​ക്ഷേ​ത്ര​ത്തി​ലാ​ണ് മൂ​ഹൂ​ർ​ത്ത സ​മ​യ​ത്ത് എ​ത്തി​യ​ത്. ഉ​ച്ച​ക്ക് ഒ​ന്ന​ര​യോ​ടെ വ​ര​ൻ ഇ​രി​ട്ടി കീ​ഴൂ​രി​ലെ ക്ഷേ​ത്ര​ത്തി​ലെ​ത്തു​ക​യും ക്ഷേ​ത്രം ജീ​വ​ന​ക്കാ​രു​ടെ നേ​തൃ​ത്വ​ത്തി​ൽ ക്ഷേ​ത്ര ന​ട​യി​ൽ വി​വാ​ഹം ന​ട​ത്തു​ക​യും ചെ​യ്‌​തെ​ന്ന് വി​വാ​ഹ​ത്തി​ന് ക​ർ​മി​യാ​യി നി​ന്ന ക്ഷേ​ത്രം ജീ​വ​ന​ക്കാ​ര​ൻ ച​ന്ദ്ര​ൻ പ​റ​ഞ്ഞു.