തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടക്കുന്ന ബാബു അച്ചാരത്ത് മെമ്മോറിയൽ ട്രോഫി ജില്ല എ ഡിവിഷൻ ലീഗ് ക്രിക്കറ്റ് ചാമ്പ്യൻഷിപ്പിൽ സി.പി. സജിത്തിന്റെ ഓൾറൗണ്ട് പ്രകടന മികവിൽ കണ്ണൂർ ഫോർട്ട് ക്രിക്കറ്റ് ക്ലബ് 157 റൺസിന് തലശ്ശേരി ബി.കെ 55 ക്രിക്കറ്റ് ക്ലബിനെ പരാജയപ്പെടുത്തി. ടോസ് നേടി ആദ്യം ബാറ്റ് ചെയ്ത ഫോർട്ട് ക്രിക്കറ്റ് ക്ലബ് നിശ്ചിത 45 ഓവറിൽ ഒമ്പത് വിക്കറ്റ് നഷ്ടത്തിൽ 235 റൺസെടുത്തു. സി.പി. സജിത്ത് 66 റൺസും ജിജു വിജയൻ 35 റൺസും തേജസ് വിവേക് 30 റൺസുമെടുത്തു. ബി.കെ 55 ക്രിക്കറ്റ് ക്ലബിനുവേണ്ടി പി.വി. അഭിരാജ് മൂന്ന് വിക്കറ്റും സഞ്ജു ശിവൻ, ഒമർ അബൂബക്കർ എന്നിവർ രണ്ട് വിക്കറ്റ് വീതവും വീഴ്ത്തി. മറുപടിയായി തലശ്ശേരി ബി.കെ 55 ക്രിക്കറ്റ് ക്ലബ് 22.5 ഓവറിൽ 78 റൺസിന് ഓൾ ഔട്ടായി. ഫോർട്ടിന് വേണ്ടി പി.വി. അതുൽ ബാബു 22 റൺസിന് നാല് വിക്കറ്റും സി.പി. സജിത്ത് 25 റൺസിന് മൂന്ന് വിക്കറ്റും വീഴ്ത്തി. സി.പി. സജിത്തിനെ കളിയിലെ കേമനായി തിരഞ്ഞെടുത്തു. വെള്ളിയാഴ്ച കളിയില്ല. ശനിയാഴ്ച ടെലിച്ചറി ടൗൺ ക്രിക്കറ്റ് ക്ലബ് തലശ്ശേരി ബ്രദേഴ്സ് ക്രിക്കറ്റ് ക്ലബിനെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.