രാവണൻ പാലം തുറന്നു പെരിങ്ങത്തൂർ: പൂക്കോം പുത്തൻവീട്ടിൽ കൃഷ്ണൻ നമ്പ്യാർ സ്മാരക ട്രസ്റ്റിന്റെ ആഭിമുഖ്യത്തിൽ പൂക്കോം പഴശ്ശി കനാലിന് കുറുകെ പൂങ്കുന്നത്ത് കാട്ടുമാടം മുത്തശ്ശിയമ്മ ക്ഷേത്രത്തിനുസമീപം മൂന്ന് മൂലക്കണ്ടി പുത്തൻവീട് റോഡിൽ നിർമിച്ച ജനകീയ പാലമായ രാവണൻ പാലം മാനേജിങ് ട്രസ്റ്റി പി.വി. അതികായൻ ഉദ്ഘാടനം ചെയ്തു. ഇതുവഴി വലിയാണ്ടി പീടികയിൽനിന്ന് കാട്ടിമൂക്കിലേക്ക് പൂക്കോം ടൗൺ ഒഴിവാക്കി എളുപ്പത്തിൽ യാത്രചെയ്യാം. പാലത്തിന് എട്ട് മീറ്റർ നീളവും നാല് മീറ്റർ വീതിയുമുണ്ട്. 2021 ആഗസ്റ്റിൽ പണിയാരംഭിച്ച് 2022 ജനുവരിയിൽ പണി പൂർത്തിയായി. ഒന്നര ലക്ഷം രൂപ ചെലവിലാണ് പാലം നിർമിച്ചത്. എൻ. ജിതേന്ദ്രൻ അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.