ഇരിട്ടി: സിവില്‍ ഡിഫന്‍സ് റൈസിങ് ഡേയുടെ ഭാഗമായി ഇരിട്ടി ഫയര്‍ സ്റ്റേഷൻ നേതൃത്വത്തില്‍ സിവില്‍ ഡിഫന്‍സ് വാര്‍ഡർമാരുടെ ദീപശിഖ പ്രയാണവും മരിച്ച സിവില്‍ ഡിഫന്‍സ് സേനാംഗങ്ങളുടെ ഛായാചിത്രത്തിന് മുന്നില്‍ പുഷ്പാര്‍ച്ചനയും നടത്തി. ഇരിട്ടി പയഞ്ചേരിയില്‍ നിന്ന് തുടങ്ങിയ പ്രയാണം ഇരിട്ടി നഗരസഭ ചെയര്‍പേഴ്‌സൻ ശ്രീലത, ഇരിട്ടി യൂനിറ്റ് പോസ്റ്റ് വാര്‍ഡന്‍ അരുണ്‍ ബാലക്കണ്ടിക്ക് ദീപശിഖ നല്‍കി ഉദ്ഘാടനം ചെയ്തു. പയഞ്ചേരിമുക്കില്‍നിന്ന് ആരംഭിച്ച് ഇരിട്ടി നഗരത്തിലൂടെ സഞ്ചരിച്ച് അഗ്നിരക്ഷ നിലയത്തില്‍ സമാപിച്ചു. തുടര്‍ന്ന്, അഗ്നിരക്ഷ നിലയം ഓഫിസര്‍ കെ. രാജീവ് പതാക ഉയര്‍ത്തി. ഡിഫന്‍സ് വാര്‍ഡർമാര്‍ക്ക് പ്രതിജ്ഞ ചൊല്ലക്കൊടുത്തു. ചടങ്ങില്‍ അസി. സ്റ്റേഷന്‍ ഓഫിസര്‍ എന്‍.ജി. അശോകന്‍, യൂനിറ്റ് ഡെപ്യൂട്ടി പോസ്റ്റ് വാര്‍ഡന്‍ ഡോളമി മുണ്ടാനൂര്‍ എന്നിവര്‍ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.