തലശ്ശേരി ജൂബിലി കോംപ്ലക്സിൽ കൂടുതൽ സൗകര്യമൊരുക്കുന്നുരണ്ടാംനിലയിൽ പുതിയ മുറികൾ പണിയാൻ ഒഴിച്ചിട്ട സ്ഥലം താൽക്കാലികമായി ഉപയോഗപ്പെടുത്തുംതലശ്ശേരി: പഴയ ബസ് സ്റ്റാൻഡ് ജൂബിലി ഷോപ്പിങ് കോംപ്ലക്സിൻെറ രണ്ടാം നിലയിൽ വർഷങ്ങളായി ഒഴിഞ്ഞുകിടക്കുന്ന സ്ഥലസൗകര്യം ഉപയോഗപ്പെടുത്താൻ നീക്കം തുടങ്ങി. ഇതിനായി എൻജിനീയറിങ് വിഭാഗം ഉദ്യോഗസ്ഥരുമായി വൈസ് ചെയർമാൻ വാഴയിൽ ശശി ചൊവ്വാഴ്ച കോംപ്ലക്സ് സന്ദർശിച്ചു. കെട്ടിടത്തിൻെറ രണ്ടാംനിലയിൽ പുതിയ മുറികൾ പണിയാൻ ഒഴിച്ചിട്ട സ്ഥലമാണ് താൽക്കാലികമായി ഉപയോഗപ്പെടുത്താൻ വഴിയൊരുക്കുന്നത്. കോവിഡ് പ്രതിസന്ധിയിൽ നിന്നും കരകയറാൻ നഗരസഭക്ക് പുതിയ വരുമാന മാർഗം ഒരുക്കുകയാണ് ലക്ഷ്യം. തൊട്ടടുത്തുള്ള തലശ്ശേരി കോട്ടയുടെ പേരിൽ പുരാവസ്തു വകുപ്പിൻെറ വിലക്കുള്ളതിനാൽ ജൂബിലി കോംപ്ലക്സിൽ പുതിയ നിർമാണ പ്രവൃത്തി നടത്താൻ അനുവാദമില്ല. ഈ സാഹചര്യത്തിലാണ് താൽക്കാലികമായി മേൽത്തട്ട് ഉപയോഗപ്പെടുത്താൻ ശ്രമിക്കുന്നത്. ഇതിനിടെ ജൂബിലി ഷോപ്പിങ് കോംപ്ലക്സിൽ പതിവുള്ള ചോർച്ച പരിഹരിക്കാൻ ഉടൻ നടപടിയെടുക്കുമെന്ന് വൈസ് ചെയർമാൻ പറഞ്ഞു. കൗൺസിലർ എൻ. അജേഷും കൂടെയുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.