ത്രിവേണി സംഗമം അത്ര സുരക്ഷിതമല്ല

മൂ​ല​മ​റ്റം: ക​നാ​ലി​ലും ത്രി​വേ​ണി സം​ഗ​മ​ത്തി​ലും കു​ളി​ക്കാ​നി​റ​ങ്ങു​ന്ന​വ​ർ അ​പ​ക​ട​ത്തി​ൽ​പെ​ടു​ന്ന​ത് പ​തി​വാ​കു​മ്പോ​ൾ സു​ര​ക്ഷ മാ​ർ​ഗ​ങ്ങ​ൾ ത​യാ​റാ​ക്കാ​ൻ ന​ട​പ​ടി​യി​ല്ല. മൂ​ല​മ​റ്റം വൈ​ദ്യു​തി നി​ല​യ​ത്തി​ൽ​നി​ന്ന് ഉ​ൽ​പാ​ദ​ന​ത്തി​ന് ശേ​ഷം പു​റം​ത​ള്ളു​ന്ന വെ​ള്ളം ഒ​ഴു​ക്കു​ന്ന​ത് മൂ​ല​മ​റ്റം ടൗ​ൺ മ​ധ്യ​ത്തി​ലൂ​ടെ നി​ർ​മി​ച്ച ക​നാ​ൽ വ​ഴി​യാ​ണ്.

വൈ​ദ്യു​തി നി​ല​യ​ത്തി​ൽ പ്ര​വ​ർ​ത്തി​ക്കു​ന്ന ജ​ന​റേ​റ്റ​റു​ക​ളു​ടെ എ​ണ്ണ​മ​നു​സ​രി​ച്ച് ക​നാ​ലി​ലെ ജ​ല​നി​ര​പ്പും ഒ​ഴു​ക്കും കൂ​ടി​യും കു​റ​ഞ്ഞു​മി​രി​ക്കും. അ​പ്ര​തീ​ക്ഷി​ത​മ​യു​ണ്ടാ​കു​ന്ന ഒ​ഴു​ക്ക്​ കു​ളി​ക്കാ​നി​റ​ങ്ങു​ന്ന​വ​രെ അ​പ​ക​ട​ത്തി​ലാ​ക്കും. നി​ര​വ​ധി അ​പ​ക​ട​ങ്ങ​ളാ​ണ് ഇ​വി​ടെ​യു​ണ്ടാ​യ​ത്. ക​ഴി​ഞ്ഞ ദി​വ​സം ത്രി​വേ​ണി സം​ഗ​മ​ത്തി​ൽ കു​ളി​ക്കാ​നി​റ​ങ്ങി​യ​വ​ർ ഒ​ഴു​ക്കി​ൽ​പെ​ട്ടെ​ങ്കി​ലും നാ​ട്ടു​കാ​ർ ര​ക്ഷ​പ്പെ​ടു​ത്തു​ക​യാ​യി​രു​ന്നു. ഒ​രി​ട​ത്തും അ​പ​ക​ട മു​ന്ന​റി​യി​പ്പ് ബോ​ർ​ഡ് സ്ഥാ​പി​ച്ചി​ട്ടി​ല്ല.

മൂ​ല​മ​റ്റം ക​നാ​ലി​ൽ വീ​ണ്​ അ​പ​ക​ടം ഒ​ഴി​വാ​ക്കാ​ൻ കെ.​എ​സ്.​ഇ.​ബി പ​ദ്ധ​തി ത​യാ​റാ​ക്കു​മെ​ന്ന് പ​റ​ഞ്ഞി​രു​ന്നു. അ​ലാം അ​ട​ക്കം സം​വി​ധാ​ന​ങ്ങ​ളൊ​രു​ക്ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ർ കെ.​എ​സ്.​ഇ.​ബി​യെ സ​മീ​പി​ച്ചി​രു​ന്നു. എ​ന്നാ​ൽ, സം​സ്ഥാ​ന​ത്തെ ആ​വ​ശ്യ​മ​നു​സ​രി​ച്ച് വൈ​ദ്യു​തി ഉ​ൽ​പാ​ദി​പ്പി​ക്കു​ന്ന​തി​നാ​ൽ മു​ന്ന​റി​യി​പ്പ് സം​വി​ധാ​ന​ങ്ങ​ൾ പ്രാ​യോ​ഗി​ക​മ​ല്ല.

അ​പ​ക​ട​ങ്ങ​ൾ ഒ​ഴി​വാ​ക്കാ​ൻ നി​ർ​ദേ​ശ​ങ്ങ​ൾ വെ​ച്ചി​രു​ന്നെ​ങ്കി​ലും നാ​ലു​വ​ർ​ഷം പി​ന്നി​ട്ടെ​ങ്കി​ലും ന​ട​പ​ടി​യാ​യി​ല്ല. വൈ​ദ്യു​തി നി​ല​യ​ത്തി​ൽ കൂ​ടു​ത​ൽ ജ​ന​റേ​റ്റ​റു​ക​ൾ പ്ര​വ​ർ​ത്തി​പ്പി​ക്കു​മ്പോ​ൾ അ​പ​ക​ട​സാ​ധ്യ​യു​ള്ള ഒ​രു കി​ലോ​മീ​റ്റ​ർ ദൂ​ര​ത്തി​ൽ മു​ന്ന​റി​യി​പ്പ് ന​ൽ​കാ​ൻ സം​വി​ധാ​നം ഒ​രു​ക്കി​യാ​ൽ ഇ​ത്ത​രം അ​പ​ക​ട​ങ്ങ​ളൊ​ഴി​വാ​ക്കാ​നാ​കു​മെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു.