ലക്ഷങ്ങളുമായി വൃദ്ധസദനം ഉടമ മുങ്ങി; ദുരിതത്തിലായി അന്തേവാസികൾ

തൊ​ടു​പു​ഴ: അ​ന​ധി​കൃ​ത​മാ​യി ആ​രം​ഭി​ച്ച വൃ​ദ്ധ​സ​ദ​ന​ത്തി​ന്‍റെ ന​ട​ത്തി​പ്പു​കാ​ര​ൻ അ​ന്തേ​വാ​സി​ക​ളു​ടെ ല​ക്ഷ​ങ്ങ​ളു​മാ​യി വി​ദേ​ശ​ത്തേ​ക്ക്​ ക​ട​ന്നു. ഭ​ക്ഷ​ണ​ത്തി​നും മ​രു​ന്നി​നും അ​ട​ക്കം പ​ണ​മി​ല്ലാ​തെ അ​ന്തേ​വാ​സി​ക​ളും ജീ​വ​ന​ക്കാ​രി​യും ദു​രി​ത​ത്തി​ൽ. മാ​ന​സി​ക വെ​ല്ലു​വി​ളി നേ​രി​ടു​​ന്ന​വ​ർ അ​ട​ക്കം അ​ന്തേ​വാ​സി​ക​ളു​ടെ പ​ണ​മാ​ണ്​ ത​ട്ടി​യെ​ടു​ത്ത​ത്.

തൊ​ടു​പു​ഴ മു​ത​ല​ക്കോ​ട​ത്ത്​ എ​ൽ​ഡ​ർ ഗാ​ർ​ഡ​ൻ എ​ന്ന​ പേ​രി​ൽ ന​ട​ത്തു​ന്ന വൃ​ദ്ധ​സ​ദ​ന​ത്തി​ലു​ള്ള ഏ​ഴ്​ പേ​രാ​ണ്​ ദു​രി​ത​ത്തി​ലാ​യ​ത്. പൊ​ലീ​സി​ൽ അ​ട​ക്കം പ​രാ​തി ന​ൽ​കി ത​ങ്ങ​ളു​ടെ പ​ണം തി​രി​കെ ല​ഭി​ക്കാ​നു​ള്ള കാ​ത്തി​രി​പ്പി​ലാ​ണി​വ​ർ. 2.5 ല​ക്ഷം രൂ​പ മു​ത​ൽ 11 ല​ക്ഷം രൂ​പ വ​രെ​യാ​ണ്​ ഉ​ട​മ ജീ​വ​ൻ തോ​മ​സ്​ അ​​ന്തേ​വാ​സി​ക​ളി​ൽ​നി​ന്ന്​ വാ​ങ്ങി​യ​ത്. ഇ​തി​ന്​ പു​റ​മെ പ​ല​രി​ൽ നി​ന്നും പ​ണ​വും സ്വ​ർ​ണ​വും ക​ട​മാ​യി വാ​ങ്ങി​യി​ട്ടു​ണ്ട്.

ന​ട​ത്തി​പ്പു​കാ​ര​ൻ അ​യ​ർ​ല​ൻ​ഡി​ലേ​ക്കാ​ണ്​ പോ​യ​ത്. ഇ​തോ​ടെ ചി​കി​ത്സ​യും മ​രു​ന്നു​മെ​ല്ലാം മു​ട​ങ്ങി. അ​ന്തേ​വാ​സി​ക​ൾ ത​ന്നെ പ​ണം സ​മാ​ഹ​രി​ച്ചും മ​റ്റു​മാ​ണ്​ ഭ​ക്ഷ​ണ​ത്തി​നു​ള്ള സാ​ധ​ന​ങ്ങ​ൾ വാ​ങ്ങു​ന്ന​ത്. ഇ​വ​ർ ത​ന്നെ​യാ​ണ്​ പാ​കം ചെ​യ്യു​ന്ന​ത്.

സ​ർ​ക്കാ​റി​ന്‍റെ​യും ഓ​ർ​ഫ​നേ​ജ്​ ക​ൺ​ട്രോ​ൾ ബോ​ർ​ഡി​ന്‍റെ​യും അ​നു​മ​തി​യി​ല്ലാ​തെ​യാ​ണ്​ ഈ ​സ്ഥാ​പ​നം പ്ര​വ​ർ​ത്തി​ക്കു​ന്ന​ത്. കു​റ​ച്ചു​നാ​ൾ മു​മ്പ്​ ഈ ​സ്ഥാ​പ​നം സാ​മൂ​ഹി​ക നീ​തി വ​കു​പ്പ്​ പൂ​ട്ടി​ച്ചി​രു​ന്നു. അ​ന്ന്​ 24 ഓ​ളം അ​ന്തേ​വാ​സി​ക​ൾ ഉ​ണ്ടാ​യി​രു​ന്നു.

പൂ​ട്ടി മാ​സ​ങ്ങ​ൾ പി​ന്നി​ട്ട​പ്പോ​ൾ വീ​ണ്ടും പ്ര​വ​ർ​ത്ത​നം ആ​രം​ഭി​ച്ചു. എ​ന്നാ​ൽ, മാ​സ​ങ്ങ​ൾ​ക്ക​കം വീ​ണ്ടും പ്ര​വ​ർ​ത്ത​നം തു​ട​ങ്ങി. ജീ​വ​ൻ തോ​മ​സി​ന്​ പാ​ല​ക്കാ​ട്ടും ഇ​ത്ത​ര​ത്തി​ലു​ള്ള സ്ഥാ​പ​നം ഉ​ണ്ടാ​യി​രു​ന്ന​താ​യി പ​റ​യു​ന്നു.

ജീ​വി​ത സാ​യാ​ഹ്ന​ത്തി​ൽ കൂ​ട്ടി​നൊ​രാ​ളി​ല്ലാ​ത്ത​വ​ർ​ക്ക് മെ​ച്ച​പ്പെ​ട്ട താ​മ​സ​വും പ​രി​ച​ര​ണ​വും ചി​കി​ത്സ​യു​മൊ​ക്കെ കി​ട്ടു​മെ​ന്ന പ​ര​സ്യ​വാ​ച​ക​ത്തി​ൽ വി​ശ്വ​സി​ച്ചാ​ണ് കോ​ഴി​ക്കോ​ട് സ്വ​ദേ​ശി വൃ​ദ്ധ സ​ദ​ന​ത്തി​ലെ​ത്തി​യ​ത്. ജോ​ലി​യി​ൽ​നി​ന്ന് വി​ര​മി​ച്ച​പ്പോ​ൾ കി​ട്ടി​യ പ​ണം ന​ട​ത്തി​പ്പു​കാ​ര​ന് ന​ൽ​കി. ആ​ദ്യ​നാ​ളു​ക​ളി​ൽ വ​ലി​യ കു​ഴ​പ്പ​മി​ല്ലാ​യി​രു​ന്നെ​ങ്കി​ലും പ​തു​ക്കെ പ്ര​ശ്ന​ങ്ങ​ൾ തു​ട​ങ്ങി​യ​താ​യി പ​റ​യു​ന്നു. അ​​ന്തേ​വാ​സി​ക​ളു​ടെ ദു​രി​ത​മ​റി​ഞ്ഞ്​ ജി​ല്ല സാ​മൂ​ഹി​ക നീ​തി ഓ​ഫി​സ​ർ ഷം​നാ​ദി​ന്‍റെ നേ​തൃ​ത്വ​ത്തി​ലു​ള്ള സം​ഘം ചൊ​വ്വാ​ഴ്ച വൃ​ദ്ധ സ​ദ​ന​ത്തി​ലെ​ത്തി.

അ​ന്തേ​വാ​സി​ക​ളി​ൽ നി​ന്ന്​ ഇ​വ​ർ വി​വ​ര​ങ്ങ​ൾ ചോ​ദി​ച്ച്​ അ​റി​യു​ക​യും പ​രാ​തി​ക​ൾ സ​മാ​ഹ​രി​ക്കു​ക​യും ചെ​യ്തു. അ​ന്തേ​വാ​സി​ക​ൾ സ​ർ​ക്കാ​ർ അ​ഗ​തി മ​ന്ദി​ര​ങ്ങ​ളി​ലേ​ക്ക്​ മാ​റാ​ൻ ത​യാ​റ​ല്ലെ​ന്നാ​ണ്​ അ​റി​യി​ച്ച​തെ​ന്ന്​ ജി​ല്ല സാ​മൂ​ഹി​ക നീ​തി ഓ​ഫി​സ​ർ ‘മാ​ധ്യ​മ’​ത്തോ​ട്​ പ​റ​ഞ്ഞു.