കുരിശുപാറയിൽ എ.ടി.എം അനുവദിക്കണം അടിമാലി: കുരിശുപാറ മേഖലയില് എ.ടി.എം കൗണ്ടര് സ്ഥാപിക്കാന് നടപടി സ്വീകരിക്കണമെന്ന് ആവശ്യം. പള്ളിവാസല് പഞ്ചായത്തിൽ ഉള്പ്പെടുന്ന കുരിശുപാറ മേഖല അടിമാലിയുമായി ചേര്ന്നുകിടക്കുന്ന പ്രദേശം കൂടിയാണ്. വിവിധ വ്യാപാര സ്ഥാപനങ്ങളും ഹോം സ്റ്റേകളും റിസോര്ട്ടുകളുമൊക്കെ കുരിശുപാറയില് പ്രവർത്തിക്കുന്നുണ്ട്. തോട്ടം മേഖലയില് നിരവധി അന്തർസംസ്ഥാന തൊഴിലാളികളും ജോലി ചെയ്യുന്നു. പക്ഷേ, പ്രദേശത്ത് ദേശസാത്കൃത ബാങ്കുകളിലൊന്നിന്റെയും എ.ടി.എം കൗണ്ടറില്ല. എ.ടി.എം കൗണ്ടര്വഴി പണമിടപാട് നടത്തണമെങ്കില് പ്രദേശത്തെ ആളുകള് അടിമാലിയിലോ മൂന്നാറോ മാങ്കുളത്തോ എത്തണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.