റോഡിന് സ്ഥലം വിട്ടുനൽകി; കുടുംബം മണ്ണിടിച്ചിൽ ഭീഷണിയിൽ

ചെ​റു​തോ​ണി: റോ​ഡ് നി​ർ​മാ​ണ​ത്തി​ന്​ സ്ഥ​ലം വി​ട്ടു​ന​ൽ​കി​യ കു​ടും​ബം മ​ണ്ണി​ടി​ച്ചി​ൽ ഭീ​ഷ​ണി​യി​ൽ. വാ​ഴ​ത്തോ​പ്പ് പ​ഞ്ചാ​യ​ത്തി​ലെ പേ​പ്പാ​റ​യി​ൽ താ​മ​സി​ക്കു​ന്ന നെ​ല്ലാ​നി​ക്ക​ൽ ചി​ന്ന​മ്മ​യും കു​ടും​ബ​വു​മാ​ണ് ദു​രി​ത​ത്തി​ലാ​യ​ത്. മു​ഖ്യ​മ​ന്ത്രി​യു​ടെ പ്ര​ള​യ പു​ന​രധി​വാ​സ പ​ദ്ധ​തി​യി​ൽ​പെ​ടു​ത്തി​യാ​ണ് വാ​ഴ​ത്തോ​പ്പ് പ​ഞ്ചാ​യ​ത്തി​ൽ പൈ​നാ​വ്-​താ​ന്നി​ക്ക​ണ്ടം-​പേ​പ്പാ​റ-​മ​ണി​യാ​റ​ൻ​കു​ടി-​അ​ശോ​ക​ക​വ​ല റോ​ഡ് നി​ർ​മി​ച്ച​ത്. 22 കി​ലോ​മീ​റ്റ​റു​ള്ള റോ​ഡ് ബി.​എം ആ​ൻ​ഡ് ബി.​സി നി​ല​വാ​ര​ത്തി​ൽ നി​ർ​മി​ക്കാ​ൻ 122 കോ​ടി രൂ​പ​യും അ​നു​വ​ദി​ച്ചു. പേ​പ്പാ​റ​യി​ലൂ​ടെ ഉ​ന്ന​ത നി​ല​വാ​ര​ത്തി​ലു​ള്ള റോ​ഡ് നി​ർ​മി​ക്കു​മെ​ന്ന പ്ര​തീ​ക്ഷ​യി​ൽ പ്ര​ദേ​ശ​വാ​സി​യാ​യ നെ​ല്ലാ​നി​ക്ക​ൽ ചി​ന്ന​മ്മ ഭൂ​മി വി​ട്ടു​ന​ൽ​കി.

വി​ട്ടു​ന​ൽ​കി​യ ഭൂ​മി​യി​ൽ മ​ണ്ണി​ട്ടു​യ​ർ​ത്തി റോ​ഡ് നി​ർ​മി​ച്ച​തോ​ടെ വീ​ട് അ​പ​ക​ടാ​വ​സ്ഥ​യി​ലാ​യി. റോ​ഡി​ന് സം​ര​ക്ഷ​ണ​ഭി​ത്തി നി​ർ​മി​ച്ച് ന​ൽ​കു​മെ​ന്ന വ്യ​വ​സ്ഥ​യി​ലാ​ണ് സ്ഥ​ലം വി​ട്ടു​ന​ൽ​കി​യ​ത്. എ​ന്നാ​ൽ, വാ​ക്കു​പാ​ലി​ക്കാ​ൻ ക​രാ​റു​കാ​ര​ൻ ത​യാ​റാ​യി​ല്ലെ​ന്ന് ഇ​വ​ർ പ​റ​യു​ന്നു. കാ​ല​വ​ർ​ഷം ശ​ക്ത​മാ​കു​ന്ന​തോ​ടെ മ​ണ്ണി​ടി​ച്ചി​ൽ ഭീ​ഷ​ണി​യി​ലാ​ണ് കു​ടും​ബം. സം​ര​ക്ഷ​ണ​ഭി​ത്തി നി​ർ​മി​ക്ക​ണ​മെ​ന്ന ആ​വ​ശ്യം ഉ​ന്ന​യി​ച്ച​തോ​ടെ റോ​ഡ്​ നി​ർ​മാ​ണം പൂ​ർ​ത്തി​യാ​ക്കാ​തെ ക​രാ​റു​കാ​ര​ൻ ക​ട​ന്നു. ഇ​തോ​ടെ ഇ​വി​ടെ 100 മീ​റ്റ​ർ റോ​ഡ് പ​ണി ഉ​പേ​ക്ഷി​ച്ച നി​ല​യി​ലാ​ണ്. നാ​ട്ടു​കാ​ർ വി​ഷ​യം പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രു​ടെ ശ്ര​ദ്ധ​യി​ൽ​പെ​ടു​ത്തി​യെ​ങ്കി​ലും തി​രി​ഞ്ഞു നോ​ക്കി​യി​ല്ലെ​ന്നാ​ണ് പ​രാ​തി. മ​ഴ ശ​ക്ത​മാ​വു​ന്ന​തോ​ടെ വീ​ടി​ന്​ മു​ക​ളി​ലേ​ക്ക് മ​ണ്ണി​ടി​യാ​നു​ള്ള സാ​ധ്യ​ത​യും ചൂ​ണ്ടി​ക്കാ​ട്ടു​ന്നു. 2018ലെ ​പ്ര​ള​യ​ത്തി​ൽ മ​ണ്ണി​ടി​ച്ചി​ലും പ്ര​കൃ​തി​ക്ഷോ​ഭ​വും ഉ​ണ്ടാ​യ പ്ര​ദേ​ശ​ത്താണ് റോ​ഡ്​. ചി​ന്ന​മ്മ​ക്കും കു​ടും​ബ​ത്തി​നും ആ​വ​ശ്യ​മാ​യ സം​ര​ക്ഷ​ണ​മൊ​രു​ക്കി അ​ടി​യ​ന്ത​ര​മാ​യി റോ​ഡ്​ നി​ർ​മാ​ണം പൂ​ർ​ത്തീ​ക​രി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളും ആ​വ​ശ്യ​പ്പെ​ടു​ന്ന​ത്.