കട്ടപ്പന: സ്വരാജ് കോടാലിപ്പാറ ചന്ദ്രൻ സിറ്റിയിൽ പച്ച ഏലക്ക മോഷണം വ്യാപകമാകുന്നു. ഈ മേഖലയിലെ ഏലത്തോട്ടങ്ങളിലെ ഏലച്ചെടിയുടെ ശരങ്ങളിൽനിന്ന് കായ് പറിച്ചെടുത്തും ശരം ചെത്തി മാറ്റിയുമാണ് മോഷണം. കോടാലിപ്പാറ വൈശ്യംപറമ്പിൽ ബൈജുവിന്റെ 60 സെന്റ് സ്ഥലത്തെ എലച്ചെടികളിൽനിന്ന് കഴിഞ്ഞ ദിവസം ഏലക്ക മോഷണംപോയി. സമീപത്തെ പല കർഷകരുടെയും തോട്ടങ്ങളിൽനിന്ന് ഏലക്ക മോഷണം പോയിട്ടുണ്ട്. ഏലം വിലയിടിവിൽ നട്ടംതിരിയുന്ന കർഷകർക്ക് മോഷണം ഇരുട്ടടിയായിരിക്കുകയാണ്. കോവിഡ് പ്രതിസന്ധികളിലെ സാമ്പത്തിക ബുദ്ധിമുട്ടിൽ ഉള്ളതെല്ലാം വിറ്റുപെറുക്കിയാണ് കൃഷി പരിപാലനം. പൊലീസിൽ പരാതി നൽകാൻ ഒരുങ്ങുകയാണ് മേഖലയിലെ കർഷകർ. ഫോട്ടോ. കോടാലിപ്പാറ വൈശ്യംപറമ്പിൽ ബൈജുവിന്റെ സ്ഥലത്തെ എലച്ചെടികളിൽനിന്ന് ഏലക്ക പറിച്ചെടുത്തനിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.