പെരുന്തേനീച്ച ആക്രമണം; അഞ്ചുപേർക്ക് കുത്തേറ്റു

മൂലമറ്റം: കപ്പ വാട്ടുന്നതിനിടെ​ പെരുന്തേനീച്ചയുടെ കുത്തേറ്റ്​ അഞ്ചുപേർക്ക് പരിക്ക്. കൂവപ്പള്ളി എസ് വളവിൽ ശനിയാഴ്ച ഉച്ചയോടെയായിരുന്നു സംഭവം. നെല്ലിപ്പിള്ളിൽ ജോർജ് (ബാബു -55), സഹോദരൻ ബിജു (52), ഇഞ്ചിമാക്കൽ സാബു (55), ഭാര്യ മോളി (50), മേലേടത്ത് എം.വി. ജോസഫ്(55) എന്നിവർക്കാണ് പരിക്കേറ്റത്. സമീപത്തെ മരത്തിൽ ഉണ്ടായിരുന്ന പെരുംതേനീച്ചയുടെ കൂട് ശ്രദ്ധയിൽ പെട്ടിരുന്നില്ല. പരിക്കേറ്റവർ മൂലമറ്റം ബിഷപ്​ വയലിൽ ആശുപത്രിയിൽ ചികിത്സ തേടി. ഇതിൽ മോളിക്കാണ് കൂടുതൽ കുത്തേറ്റത്. ഈച്ചയുടെ ആക്രമണത്തിൽനിന്ന് രക്ഷപ്പെടാൻ ഓടിയെങ്കിലും ഇടക്ക്​ വീണുപോയ മോളിയെ ഈച്ച പൊതിഞ്ഞു. ഇതിനിടെ​ ബിജുവാണ് ഇവരെ രക്ഷിച്ചത്. ആശുപത്രിയിൽ എത്തിച്ചപ്പോഴേക്കും ശ്വാസംമുട്ടലും ദേഹാസ്വാസ്ഥ്യവും അനുഭവപ്പെട്ടു. ബിജുവിന്‍റെ കണ്ണിനകത്ത് ഈറ്റ്ച്ചയുടെ കുത്തേ കാഴ്ചക്ക്​ മങ്ങൽ അനുഭവപ്പെടുന്നുണ്ട്. വൈകുന്നേരത്തോടെ എല്ലാവരും ആശുപത്രിവിട്ടു.