ഇടുക്കി ബ്ലോക്ക്​ പഞ്ചായത്തിൽ ആൻസി പ്രസിഡന്‍റാകും

ചെറുതോണി: ഇടുക്കി ബ്ലോക്ക്​ പഞ്ചായത്തിൽ കോൺഗ്രസിലെ ആൻസി തോമസ് പ്രസിഡന്‍റാകും. ഇവർ മുൻ വാഴത്തോപ്പ് പഞ്ചായത്തു പ്രസിഡന്‍റാണ്​. ഫെബ്രുവരി ഏഴിനാണ്​ തെരഞ്ഞെടുപ്പ്. നിലവിലെ പ്രസിഡന്‍റ്​ രാജി ചന്ദ്രൻ രാജിവെച്ച ഒഴിവിലാണ്​ ​തെരഞ്ഞെടുപ്പ്. ഇടുക്കി ബ്ലോക്ക്​ പഞ്ചായത്ത്​ ഭരണം യു.ഡി.എഫിനാണ്. ഇത്തവണ പ്രസിഡന്‍റ്​ സ്ഥാനത്തേക്ക് കോൺഗ്രസിലെ രാജി ചന്ദ്രനും ആൻസി തോമസും അവകാശവാദമുന്നയിച്ചതോടെ ഗ്രൂപ്പ് സമവായത്തിലൂടെ ആദ്യ ഒരുവർഷം രാജി ചന്ദ്രന്​ നൽകി. ആകെ 13 സീറ്റാണുള്ളത്. യു.ഡി.എഫിൽ കക്ഷിനില: കോൺഗ്രസ് അഞ്ച്​, കേരള കോൺഗ്രസ്​ രണ്ട്​. ഇടതിൽ സി.പി.എം രണ്ട്​, കേരള കോൺഗ്രസ് മാണി രണ്ട്​, സി.പി.ഐ ഒന്ന്, എൻ.സി.പി ഒന്ന്​. വൈസ് പ്രസിഡന്‍റ്​ സ്ഥാനം കേരള കോൺഗ്രസിനാണ്​.

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.