ട്രൈബൽ കോളജ്​ സാമൂഹിക പ്രതിബദ്ധതയുടെ പ്രതീകം -മന്ത്രി ആർ. ബിന്ദു

നാടുകാണി: ജില്ലയിലെ നാടുകാണിയിൽ പട്ടികവർഗ മാനേജ്​മൻെറിൽ പ്രവർത്തനം ആരംഭിച്ച ട്രൈബൽ ആർട്സ് ആൻഡ്​ സയൻസ് കോളജ് സാമൂഹിക പ്രതിബദ്ധതയുടെ പ്രതീകമാണെന്ന് ഉന്നത വിദ്യാഭ്യാസ മന്ത്രി ഡോ. ആർ. ബിന്ദു. കോളജിലെ ഒന്നാംവർഷ ബിരുദ വിദ്യാർഥികളുടെ ക്ലാസുകൾക്ക്​ ആരംഭംകുറിച്ച് ഓൺലൈനായി സംസാരിക്കുകയായിരുന്നു മന്ത്രി. കോട്ടയം കോളീജിയറ്റ് എജുക്കേഷൻ ​െഡപ്യൂട്ടി ഡയറക്ടർ ഡോ. ആർ. പ്രഗാഷ് മുഖ്യപ്രഭാഷണം നടത്തി. മലയരയ എജുക്കേഷനൽ ട്രസ്​റ്റ്​ ചെയർമാൻ കെ.ആർ. ഗംഗാധരൻ അധ്യക്ഷതവഹിച്ചു. ഐക്യ മലയരയ മഹാസഭ സംസ്ഥാന ജനറൽ സെക്രട്ടറി പി.കെ. സജീവ്, സംസ്ഥാന പ്രസിഡൻറ്​ സി.ആർ. ദിലീപ്കുമാർ, ജില്ല സെക്രട്ടറി എം.കെ. സജി, മലയരയ വനിത സംഘടന പ്രസിഡൻറ്​ കവിത രാജൻ തുടങ്ങിയവർ സംസാരിച്ചു. ശ്രീ ശബരീശ കോളജ് പ്രിൻസിപ്പൽ പ്രഫ. വീ.ജി. ഹരീഷ്കുമാർ അക്കാദമിക് ഗൈഡൻസ് ക്ലാസ്​ നയിച്ചു. ട്രൈബൽ ആർട്സ് ആൻഡ്​​ സയൻസ് കോളജ് പ്രിൻസിപ്പൽ ഡോ. സി.കെ. സ്മിത സ്വാഗതം പറഞ്ഞു. TDL Tribal college നാടുകാണിയിലെ ട്രൈബൽ ആർട്സ് ആൻഡ്​​ സയൻസ് കോളജിൽ ക്ലാസുകളുടെ ഉദ്​ഘാടന ചടങ്ങിൽനിന്ന്​ സ്പോട്ട് അഡ്​മിഷന്‍ ഇടുക്കി: കഞ്ഞിക്കുഴി ഗവ. ഐ.ടി.ഐയില്‍ ഡി.ടി.പി ഓപറേറ്റര്‍ ട്രേഡില്‍ ഒഴിവുള്ള ഏതാനും സീറ്റിലേക്ക് ഡിസംബര്‍ 30വരെ അപേക്ഷ സ്വീകരിക്കും. കൂടുതല്‍ വിവരങ്ങള്‍ക്ക്: 9539348420, 9895904350,9497338063. വാക്​ ഇന്‍ ഇൻറർവ്യൂ ഇടുക്കി: ജില്ല മെഡിക്കല്‍ ഒാഫിസിന്​ (ഹോമിയോപതി വകുപ്പ്) കീഴിലുള്ള വാര്‍ഷിക പ്രോജക്​ടുകളിലേക്ക് ലേഡി ക്ലിനിക്കല്‍ സൈക്കോളജിസ്​റ്റി​െന (എം.ഫില്‍/എം.എസ്​സി സൈക്കോളജി) മാര്‍ച്ച് 31വരെ ദിവസവേതനാടിസ്ഥാനത്തില്‍ നിയോഗിക്കുന്നതിന്​ വാക്-ഇന്‍ ഇൻറര്‍വ്യൂ 30ന് രാവിലെ 10.30ന് തൊടുപുഴ തരണിയില്‍ ബില്‍ഡിങ്ങില്‍ പ്രവര്‍ത്തിക്കുന്ന (ചാഴിക്കാട്ട് ആശുപത്രിക്ക് സമീപം) ജില്ല മെഡിക്കല്‍ ഓഫിസില്‍ (ഹോമിയോ) നടക്കും. ഉദ്യോഗാർഥികള്‍ തിരിച്ചറിയല്‍ രേഖയും വയസ്സ്​​, ജാതി, വിദ്യാഭ്യാസ യോഗ്യതകൾ തെളിയിക്കുന്ന അസ്സല്‍ സര്‍ട്ടിഫിക്കറ്റുകളും അവയുടെ ഒരു പകര്‍പ്പും സഹിതം നേരിട്ട് ഹാജരാകണം.