വ്യാജമദ്യവും മയക്കുമരുന്നും തടയാൻ കൺട്രോൾ റൂം

തൊടുപുഴ: ഓണാഘോഷത്തോട്​ അനുബന്ധിച്ച് മദ്യവും മയക്കുമരുന്നുമായി ബന്ധപ്പെട്ട കുറ്റകൃത്യങ്ങള്‍ തടയാനുള്ള പ്രവര്‍ത്തങ്ങളുടെ ഭാഗമായി 24 മണിക്കൂറും പ്രവർത്തിക്കുന്ന കൺട്രോൾ റൂം തുറക്കും. ഇടുക്കി എക്സൈസ് ഡിവിഷന്‍ ഓഫിസില്‍ വെള്ളിയാഴ്ച രാവിലെ ഒമ്പത്​ മുതൽ സെപ്റ്റംബര്‍ 12ന്​ രാവിലെ ഒമ്പത്​ വരെയാണ്​ കണ്‍ട്രോള്‍ റൂം പ്രവർത്തനം. വ്യാജമദ്യം, മയക്കുമരുന്ന്​ എന്നിവ സംബന്ധിച്ച വിവരങ്ങള്‍ ഉടന്‍ തൊടുപുഴയില്‍ പ്രവര്‍ത്തിക്കുന്ന എക്സൈസ് ഡിവിഷനല്‍ കണ്‍ട്രോള്‍ റൂമില്‍ താഴെപ്പറയുന്ന ട്രോള്‍ ഫ്രീ ഉള്‍പ്പെടെ നമ്പറുകളില്‍ അറിയിക്കാം. ലഭിക്കുന്ന വിവരങ്ങളില്‍ അടിയന്തര നടപടി സ്വീകരിക്കാൻ സര്‍ക്കിള്‍ തലത്തില്‍ 24 മണിക്കൂറും പ്രവര്‍ത്തിക്കുന്ന സ്ട്രൈക്കിങ്​ ഫോഴ്സ് ടീമിനെ നിയോഗിച്ചിട്ടുണ്ട്​. ജില്ലതല എക്സൈസ് കണ്‍ട്രോള്‍ റൂം- ട്രോള്‍ ഫ്രീ നമ്പര്‍ 18004253415, ഹോട്ട് ലൈന്‍ 155358, അസി. എക്സൈസ് കമീഷണര്‍ (എന്‍ഫോഴ്‌സ്മെന്റ്) ഇടുക്കി 04862232469, 9496002866. ഐ.ടി.ഐ പ്രവേശനം ഇടുക്കി: കഞ്ഞിക്കുഴി ഐ.ടി.ഐയില്‍ ഡ്രാഫ്റ്റ്സ്മാന്‍ സിവില്‍ എൻ.എസ്​.ക്യു.എഫ് ലെവല്‍ അഞ്ച്​ (രണ്ടുവര്‍ഷം) ഡസ്‌ക് ടോപ് പബ്ലിഷിങ്​ ഓപറേറ്റര്‍ എൻ.എസ്​.ക്യു.എഫ് ലെവല്‍ നാല്​ (ഒരുവര്‍ഷം) എന്നീ കോഴ്സുകളിലേക്ക്​ പ്രവേശനം ആരംഭിച്ചു. അപേക്ഷ https://itiadmissions.kerala.gov.in എന്ന വെബ്സൈറ്റ് മുഖേന സമർപ്പിക്കാം. അപേക്ഷ ഫീസ് 100 രൂപ. അവസാന തീയതി: ആഗസ്റ്റ്​ 10. പ്രോസ്പെക്ടസും മാര്‍ഗനിര്‍ദേശങ്ങളും https://det.kerala.gov.in എന്ന വെബ്സൈറ്റിലും https://itiadmissions.kerala.gov.in എന്ന അഡ്മിഷന്‍ പോര്‍ട്ടലിലും ലഭ്യമാണ്. വിവരങ്ങള്‍ക്ക്: 04862 291938, 9539348420, 9895904350, 9497338063, 8075192611. ആരോഗ്യകേരളം ഒഴിവുകള്‍ ഇടുക്കി: ആരോഗ്യകേരളം പദ്ധതിയിലേക്ക് കരാര്‍ വ്യവസ്ഥയില്‍ വിവിധ തസ്തികകളിലേക്ക് അപേക്ഷ ക്ഷണിച്ചു. സ്പെഷലിസ്റ്റ് ഡോക്ടർ, ക്ലിനിക്കല്‍ സൈക്കോളജിസ്റ്റ്, ഡെവലപ്​മെന്റ് തെറപ്പിസ്റ്റ്, മെഡിക്കല്‍ ഓഫിസര്‍, ഓഫിസ്​ അസി. കം ടെക്നീഷ്യൻ തസ്തികകളിലാണ്​ ഒഴിവ്​. യോഗ്യരായ ഉദ്ദ്യോഗാർഥികള്‍ ആരോഗ്യകേരളം വെബ്സൈറ്റില്‍ നല്‍കിയ ലിങ്കില്‍ ആഗസ്റ്റ് 10ന് വൈകീട്ട് നാലിന്​ മുമ്പ്​​ അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് വെബ്സൈറ്റ് www.arogyakeralam.gov.in ഫോണ്‍: 04862 232221.