ഷാജി, വീനീഷ്
ശ്രീമൂലനഗരം: തിരുവൈരാണിക്കുളം സർവിസ് സഹകരണ ബാങ്കിൽ മുക്കുപണ്ടം പണയംെവച്ച് പണം തട്ടിയ കേസിലെ രണ്ടും മൂന്നും പ്രതികളെ പൊലീസ് പിടികൂടി. ചൊവ്വര തെക്കുഭാഗം വെള്ളാരപ്പിള്ളി പുളിങ്ങാമ്പിള്ളി വീനീഷ് (32), വെങ്ങോല തണ്ടേക്കാട് കൂട്ടായിയിൽ ഷാജി (43) എന്നിവരെയാണ് ഇൻസ്പെക്ടർ എം.ബി. ലത്തീഫിെൻറ നേതൃത്വത്തിൽ അറസ്റ്റ് ചെയ്തത്.
ഒന്നാംപ്രതിയെ നേരത്തേ അറസ്റ്റ് ചെയ്തിരുന്നു. ഷാജിയാണ് മുക്കുപണ്ടങ്ങൾ തയാറാക്കി മറ്റു പ്രതികൾക്ക് പണയപ്പെടുത്തുന്നതിനായി നൽകിയത്. കഴിഞ്ഞ ഫെബ്രുവരിയിലാണ് മുക്കുപണ്ടം പണയംെവച്ച് 46,000 രൂപയുടെ തട്ടിപ്പ് നടത്തിയത്. പ്രതികളെ പെരൂമ്പാവൂർ കോടതിയിൽ ഹാജരാക്കി. റൂറൽ എസ്.പി കെ. കാർത്തികിെൻറ നേതൃത്വത്തിലായിരുന്നു അന്വേഷണം.
എസ്.ഐമാരായ സ്റ്റെപ്റ്റോ ജോൺ, ടി.എ. ഡേവിസ്, ടി.വി. ദേവസി, പി.ജെ. ജോയി എ.എസ്.ഐ അബ്ദുൽ സത്താർ എന്നിവരാണ് സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.