രാവിലെ ഉണർന്ന്​ ബൂത്തുകൾ; ചൂടിലും വാടാതെ വോട്ട്​

കൊ​ച്ചി: ജി​ല്ല​യി​ലെ പോ​ളി​ങ്​ ബൂ​ത്തു​ക​ൾ സാ​വ​ധാ​ന​മാ​ണ് തി​ര​ക്കി​ലേ​ക്ക് ഉ​ണ​ർ​ന്ന​ത്. എ​ട്ട്​ മ​ണി​യോ​ടെ തീ​ര​മേ​ഖ​ല​ക​ളി​ലെ ചി​ല ബൂ​ത്തു​ക​ളി​ലെ​ക്ക് വോ​ട്ട​ർ​മാ​ർ കൂ​ട്ട​ത്തോ​ടെ എ​ത്തി​യ​പ്പോ​ൾ മ​റ്റ് ചി​ല​യി​ട​ങ്ങ​ളി​ൽ ബൂ​ത്ത് പ​രി​സ​ര​ങ്ങ​ൾ തി​ര​ക്കൊ​ഴി​ഞ്ഞ് കി​ട​ന്നു. ചെ​ല്ലാ​നം, ഫോ​ർ​ട്ട് കൊ​ച്ചി മേ​ഖ​ല​ക​ളി​ല​ട​ക്കം രാ​വി​ലെ പ​ത്ത്​ വ​രെ ക​ണ്ട വോ​ട്ട​ർ​മാ​രു​ടെ തി​ര​ക്കും വ​രി​യു​ടെ നീ​ള​വും വെ​യി​ൽ ക​ന​ത്ത​തോ​ടെ മെ​ലി​ഞ്ഞ് തു​ട​ങ്ങി. എ​ന്നാ​ൽ, ഉ​ച്ച​ക​ഴി​ഞ്ഞ്​ ചി​ല​യി​ട​ങ്ങ​ളി​ൽ ക​ടു​ത്ത ചൂ​ടി​നെ​യും ക​ട​ത്തി​വെ​ട്ടി വോ​ട്ട​ർ​മാ​രു​ടെ ആ​വേ​ശം ഉ​യ​ർ​ന്നു. മു​സ്​​ലിം ഭൂ​രി​പ​ക്ഷ മേ​ഖ​ല​ക​ളി​ലെ ബൂ​ത്തു​ക​ളി​ലാ​ണ് രാ​വി​ലെ കൂ​ടു​ത​ൽ തി​ര​ക്ക് കാ​ണാ​നാ​യ​ത്. ജി​ല്ല​യു​ടെ കി​ഴ​ക്ക​ൻ മേ​ഖ​ല​ക​ളി​ലും ഇ​താ​യി​രു​ന്നു സ്ഥി​തി. ജി​ല്ല​യി​ൽ പോ​ളി​ങ്​ പൊ​തു​വെ സ​മാ​ധാ​ന​പ​ര​മാ​യി​രു​ന്നു. പ​ള്ളു​രു​ത്തി ചെ​റി​യ​ക​ട​വ്​ സെ​ന്‍റ്​ ജോ​ഫ​സ്​​സ്​ എ​ൽ.​പി. സ്കൂ​ളി​ൽ രാ​വി​ലെ​ത​ന്നെ വോ​ട്ട​ർ​മാ​രു​ടെ നീ​ര ഏ​റെ നീ​ണ്ടി​രു​ന്നു.

പു​ത്ത​ൻ​തോ​ട്​ ജി.​എ​ച്ച്.​എ​സ്.​എ​സ്, ഫോ​ർ​ട്ടു​കൊ​ച്ചി വെ​ളി ഇ.​എം.​ജി.​എ​ൽ.​പി.​എ​സ്, ഗു​ജ​റാ​ത്തി സ്കൂ​ൾ എ​ന്നി​വി​ട​ങ്ങ​ളി​ൽ സ്ത്രീ​ക​ളു​ടെ​യും പ്രാ​യ​മാ​യ​വ​രു​ടെ​യും തി​ര​ക്ക്​ കാ​ര്യ​മാ​യി ഉ​ണ്ടാ​യി​രു​ന്നു. ക​ടു​പ്പ​മേ​റി​യ ചൂ​ട് വോ​ട്ട​ർ​മാ​രെ ശ​രി​ക്കും വ​ല​ച്ചു. ബൂ​ത്ത് പ​രി​സ​ര​ത്ത് ത​ണ​ലി​നാ​യി വ​ലി​ച്ചു കെ​ട്ടി​യ പ്ലാ​സ്റ്റി​ക് ഷീ​റ്റു​ക​ൾ​ക്ക​ടി​യി​ലും അ​വ​ർ വി​യ​ർ​ത്തു. വോ​ട്ട് ചെ​യ്തി​റ​ങ്ങി​യ​വ​ർ ഒ​പ്പം വ​ന്ന​വ​ർ​ക്കാ​യി ത​ണ​ൽ മ​ര​ങ്ങ​ൾ​ക്ക് താ​ഴെ കാ​ത്ത് നി​ന്നു. ബൂ​ത്തു​ക​ളി​ൽ ഒ​രു​ക്കി​യ കു​ടി​വെ​ള്ള സൗ​ക​ര്യം പ​ല​ർ​ക്കും ആ​ശ്വാ​സ​മാ​യി. രാ​വി​ലെ ജോ​ലി​ക്ക് പോ​കേ​ണ്ട​വ​രാ​ണ്​ നേ​ര​ത്തെ വോ​ട്ട്​ ചെ​യ്യാ​ൻ എ​ത്തി​യ​വ​രി​ൽ കൂ​ടു​ത​ലും. വീ​ട്ടി​ലെ വോ​ട്ടി​നെ​ക്കു​റി​ച്ച് അ​റി​യാ​തെ പോ​യ വ​യോ​ജ​ന​ങ്ങ​ൾ ബൂ​ത്തി​ലെ​ത്തേ​ണ്ടി വ​ന്ന​തി​ന്‍റെ വി​ഷ​മ​ങ്ങ​ൾ പ​റ​യു​ന്നു​ണ്ടാ​യി​രു​ന്നു.

തീ​ര​ദേ​ശ മേ​ഖ​ല​ക​ളി​ലെ വോ​ട്ട​ർ​മാ​ർ​ക്കി​ട​യി​ൽ കൂ​ടു​ത​ൽ ആ​വേ​ശം ക​ണ്ടു. ​ചെ​ല്ലാ​ന​ത്തി​ന്‍റെ നി​ത്യ​ദു​​രി​ത​മാ​യ ക​ട​ലാ​ക്ര​മ​ണ ഭീ​ഷ​ണി ചെ​റു​ക്കാ​ൻ ടെ​ട്രാ​പോ​ഡ്​ സം​ര​ക്ഷ​ണ ഭി​ത്തി ഭാ​ഗി​ക​മാ​യെ​ങ്കി​ലും സ്ഥാ​പി​ക്ക​പ്പെ​ട്ട​ത്​ സം​സ്ഥാ​ന സ​ർ​ക്കാ​രി​ന്​ എ​ടു​ത്തു​പ​റ​യാ​വു​ന്ന നേ​ട്ട​മാ​ണ്. അ​ത്​ വോ​ട്ട​ർ​മാ​രു​ടെ വാ​ക്കു​ക​ളി​ലും പ്ര​ക​ട​മാ​യി​രു​ന്നു. എ​ന്നാ​ൽ, വി​ല​ക്ക​യ​റ്റ​ത്തെ​ക്കു​റി​ച്ചും പെ​ൻ​ഷ​ൻ മു​ട​ങ്ങി​യ​തി​നെ​ക്കു​റി​ച്ചു​മൊ​ക്കെ പ​രാ​തി പ​റ​യു​ന്ന​വ​രും ഏ​റെ. കേ​ന്ദ്ര സ​ർ​ക്കാ​രി​ന്‍റെ വ​ർ​ഗീ​യ, വി​ഭ​ജ​ന അ​ജ​ണ്ട​ക്കും ന്യൂ​ന​പ​ക്ഷ വേ​ട്ട​ക്കും എ​തി​രെ പ്ര​തി​ക​രി​ക്കാ​നു​ള്ള അ​വ​സ​ര​മാ​യാ​ണ്​ വോ​ട്ടി​നെ കാ​ണു​ന്ന​തെ​ന്ന്​ പ്ര​തി​ക​രി​ച്ച​വ​രു​മു​ണ്ട്. ഈ ​തെ​ര​ഞ്ഞെ​ടു​പ്പ്​ അ​ത്ര​മേ​ൽ നി​ർ​ണാ​യ​ക​വും രാ​ജ്യ​ത്തി​ന്‍റെ ഭാ​വി നി​ർ​ണ​യി​ക്കു​ന്ന​തു​മാ​ണെ​ന്ന തി​രി​ച്ച​റി​വി​ലാ​ണ്​ വോ​ട്ട്​ ചെ​യ്യാ​നെ​ത്തി​യ​തെ​ന്ന്​ ചി​ല മു​തി​ർ​ന്ന വോ​ട്ട​ർ​മാ​ർ പ​റ​ഞ്ഞു.

വൈ​പ്പി​ൻ മേ​ഖ​ല​യി​ലെ ബു​ത്തു​ക​ളി​ൽ 12 വ​രെ ന​ല്ല തി​ര​ക്കാ​യി​രു​ന്നു. സ്ത്രീ​ക​ളാ​ണ് ഈ ​സ​മ​യ​ങ്ങ​ളി​ൽ വോ​ട്ട് ചെ​യ്യാ​നെ​ത്തി​യ​വ​രി​ൽ ഏ​റെ​യും. മു​രി​ക്കും​പാ​ടം സെ​ന്‍റ്​ മേ​രീ​സ്​ എ​ൽ.​പി.​എ​സ്, നാ​യ​ര​മ്പ​ലം ഭ​ഗ​വ​തി വി​ലാ​സം ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ ടെ​ക്​​നോ​ള​ജി, എ​ട​വ​ന​ക്കാ​ട്​ ഹി​ദാ​യ​ത്തു​ൽ ഇ​സ്​​ലാം എ​ച്ച്.​എ​സ്.​എ​സ്​ എ​ന്നി​വി​ട​ങ്ങ​ളി​ലെ​ല്ലാം തി​ര​ക്ക്​ അ​നു​ഭ​വ​പ്പെ​ട്ടു. ഉ​ച്ച​ക്ക്​ 12 മ​ണി​യാ​യ​തോ​ടെ മി​ക്ക ബൂ​ത്തു​ക​ളി​ലും തി​ര​ക്ക്​ വ​ള​രെ കു​റ​ഞ്ഞു. ക​ത്തു​ന്ന വെ​യി​ലി​ൽ ബൂ​ത്തു​ക​ളി​ലെ​ന്ന പോ​ലെ നി​ര​ത്തു​ക​ളി​ലും ആ​ൾ​ത്തി​ര​ക്കൊ​ഴി​ഞ്ഞു. പാ​ർ​ട്ടി പ്ര​വ​ർ​ത്ത​ക​ർ റോ​ഡ​രി​കി​ലെ താ​ൽ​കാ​ലി​ക ബൂ​ത്തു​ക​ളി​ലേ​ക്ക്​ ഒ​തു​ങ്ങി. ചി​ല ബൂ​ത്തു​ക​ളി​ൽ വി​ര​ലി​ലെ​ണ്ണാ​വു​ന്ന വോ​ട്ട​ർ​മാ​രാ​ണ്​ ഉ​ച്ച​സ​മ​യ​ത്ത്​ ഉ​ണ്ടാ​യി​രു​ന്ന​ത്. ഉ​ച്ച​ക​ഴി​ഞ്ഞ്​ ഗ്രാ​മീ​ണ മേ​ഖ​ല​ക​ളി​ലെ ബൂ​ത്തു​ക​ളി​ൽ പോ​ളി​ങ്​ ക​ന​ത്തെ​ങ്കി​ലും ന​ഗ​ര​പ്ര​ദേ​ശ​ങ്ങ​ളി​ലെ ബൂ​ത്തു​ക​ളി​ൽ കാ​ര്യ​മാ​യ തി​ര​ക്ക്​ അ​നു​ഭ​വ​പ്പെ​ട്ടി​ല്ല. ചി​ല ബൂ​ത്തു​ക​ളി​ൽ ക്യൂ​വി​ൽ ഉ​ണ്ടാ​യി​രു​ന്ന​വ​ർ​ക്ക്​ ടോ​ക്ക​ൺ ന​ൽ​കി​യ ശേ​ഷം ആ​റ്​ മ​ണി​ക്ക്​ ശേ​ഷ​വും വോ​ട്ടെ​ടു​പ്പ്​ തു​ട​ർ​ന്നു.