ജനകീയ ഗായകൻ മെഹബൂബ് ഓർമയായിട്ട് ഇന്ന് 44 വർഷം

മ​ട്ടാ​ഞ്ചേ​രി: കൊ​ച്ചി​ക്കാ​രു​ടെ ഓ​ർ​മ​ക​ളി​ൽ പോ​ലും മ​ധു​രം പെ​യ്യി​ക്കു​ന്ന ജ​ന​കീ​യ ഗാ​യ​ക​ൻ എ​ച്ച്. മെ​ഹ​ബൂ​ബ് ഓ​ർ​മ​യാ​യി​ട്ട് ചൊ​വ്വാ​ഴ്ച 44 വ​ർ​ഷം തി​ക​യു​ക​യാ​ണ്. മെ​ഹ​ബൂ​ബ് എ​ന്ന പേ​രി​ന്‍റെ ഉ​റു​ദു അ​ർ​ഥം സൂ​ചി​പ്പി​ക്കും പോ​ലെ ത​ന്നെ കൊ​ച്ചി​ക്കാ​ർ​ക്ക് ഏ​റെ പ്രി​യ​പ്പെ​ട്ട​വ​നാ​യി​രു​ന്നു നാ​ട്ടു​കാ​ർ ഭാ​യി എ​ന്ന് സ്നേ​ഹ​ത്തോ​ടെ വി​ളി​ച്ചി​രു​ന്ന മെ​ഹ​ബൂ​ബ്.

1926ൽ ​ഫോ​ർ​ട്ട്​കൊ​ച്ചി പ​ട്ടാ​ള​ത്ത് ജാ​തി​ക്ക വ​ള​പ്പി​ൽ ഹു​സൈ​ൻ ഖാ​ന്റെ​യും ഖാ​ല ജാ​ന്റെ​യും ര​ണ്ടാ​മ​ത്തെ മ​ക​നാ​യി ദ​ഖ്നി മു​സ്​​ലിം കു​ടു​ബ​ത്തി​ൽ പി​റ​ന്ന മെ​ഹ​ബൂ​ബ് ഖാ​ൻ എ​ന്ന ബാ​ല​ൻ പ​ട്ടി​ണി​യോ​ട് മ​ല്ല​ടി​ച്ചാ​ണ് വ​ള​ർ​ന്ന​ത്. ബാ​ല്യ​ത്തി​ൽ ത​ന്നെ പി​താ​വ് മ​രി​ച്ചു. കു​ട്ടി​ക​ളു​ടെ പ​ട്ടി​ണി മാ​റ്റാ​ൻ മാ​താ​വ് ഖാ​ല ജാ​ൻ ക​ല്യാ​ണ വീ​ടു​ക​ളി​ൽ ഡോ​ൾ കൊ​ട്ടി പാ​ടാ​ൻ പോ​യി​രു​ന്നു. പ​ല​പ്പോ​ഴും മെ​ഹ​ബൂ​ബി​നെ​യും കൂ​ടെ കൂ​ട്ടി. ഈ ​യാ​ത്ര​യാ​ണ്​ മെ​ഹ​ബൂ​ബി​നെ സം​ഗീ​ത​ത്തോ​ട​ടു​പ്പി​ച്ച​ത്.

പി​ന്നീ​ട് ബ്രി​ട്ടീ​ഷ് പ​ട്ടാ​ള ക്യാ​മ്പി​ൽ ഷൂ ​പോ​ളി​ഷ് ചെ​യ്യു​ന്ന ജോ​ലി​യി​ൽ ഏ​ർ​പ്പെ​ട്ട​പ്പോ​ഴാ​ണ് പ​ട്ടാ​ള ബാ​ര​ക്കി​ലെ പാ​ട്ടു​കാ​ര​നാ​യി മാ​റി​യ​ത്.1950​ൽ ‘ചേ​ച്ചി’ എ​ന്ന സി​നി​മ​യി​ൽ ഭാ​യി​യു​ടെ ആ​ദ്യ ഗാ​നം റെ​ക്കോ​ഡ് ചെ​യ്തെ​ങ്കി​ലും 1951ൽ ​ദ​ക്ഷി​ണാ​മൂ​ർ​ത്തി സം​ഗീ​ത സം​വി​ധാ​നം നി​ർ​വ​ഹി​ച്ച ‘ജീ​വി​ത​നൗ​ക’ എ​ന്ന ച​ല​ച്ചി​ത്ര​ത്തി​ൽ പി. ​ലീ​ല​യോ​ടൊ​പ്പം പാ​ടി​യ ‘വ​രു നാ​യി​കേ’ എ​ന്ന ഗാ​ന​വും ‘ആ​കാ​ലേ ആ​രും കൈ​വി​ടും’ എ​ന്ന ഗാ​ന​വും മെ​ഹ​ബൂ​ബി​നെ മ​ല​യാ​ള സി​നി​മാ​ലോ​ക​ത്ത് സു​പ​രി​ചി​ത​നാ​ക്കി. പി​ന്നീ​ട് തൊ​ട്ട​തെ​ല്ലാം പൊ​ന്നാ​ക്കി ഹി​റ്റ് ഗാ​ന​ങ്ങ​ളി​ലൂ​ടെ മെ​ഹ​ബൂ​ബ് സം​ഗീ​ത പ്രേ​മി​ക​ളു​ടെ മ​ന​സ്സ്​ കീ​ഴ​ട​ക്കി. 1981ഏ​പ്രി​ൽ 22നാ​ണ്​ മ​രി​ച്ച​ത്.

ഓ​ർ​മ ദി​ന​മാ​യ ഇ​ന്ന് വൈ​കീ​ട്ട് 6.30ന് ​മെ​ഹ​ബൂ​ബ് മെ​മ്മോ​റി​യ​ൽ ഓ​ർ​ക്ക​സ്ട്ര​യു​ടെ നേ​തൃ​ത്വ​ത്തി​ൽ ഫോ​ർ​ട്ടു​കൊ​ച്ചി ക​ൽ​വ​ത്തി​യി​ലെ ഹാ​ളി​ൽ അ​നു​സ്മ​ര​ണം ന​ട​ത്തു​ന്നു​ണ്ട്. 28ന് ​വൈ​കീ​ട്ട് ആ​റി​ന് എം. ​ഇ​ക്ബാ​ൽ സാം​സ്കാ​രി​ക അ​ക്കാ​ദ​മി​യു​ടെ ആ​ഭി​മു​ഖ്യ​ത്തി​ൽ സ്മ​ര​ണാ​ജ്ഞ​ലി​യും ഒ​രു​ക്കി​യി​ട്ടു​ണ്ട്.