പള്ളുരുത്തി: ഗാനഗന്ധർവൻ കെ.ജെ. യേശുദാസിൻെറ സംഗീത ജീവിതത്തിലെ 60ാം വാർഷികത്തോടനുബന്ധിച്ച് അദ്ദേഹം ആലപിച്ച 60 ഗാനങ്ങൾ അഞ്ചു മണിക്കൂർകൊണ്ട് പാടി അദ്ദേഹത്തിന് സമർപ്പിച്ച് സംഘടിപ്പിച്ചു. തിങ്കളാഴ്ച വൈകീട്ട് മൂന്നിന് ഇടക്കൊച്ചി വലിയകുളം ഓപൺ ഗ്രൗണ്ടിൽ ഇടക്കൊച്ചി കലാസാംസ്കാകാരിക വേദിയുടെ ആഭിമുഖ്യത്തിലാണ് ഗാനസ്മൃതി ആരംഭിക്കുന്നതെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. നടനും കാഥികനും ഗായകനുമായ സുപ്രി അറയ്ക്കലാണ് ഗാനങ്ങൾ ആലപിക്കുന്നത്. സംഗീത സംവിധായകൻ വിദ്യാധരൻ മാസ്റ്ററെ ചടങ്ങിൽ ആദരിക്കും. ഇടക്കൊച്ചിയിലെ 18 കലാപ്രതിഭകളെയും ആദരിക്കുന്നുണ്ട്. വാർത്തസമ്മേളനത്തിൽ വേദി സെക്രട്ടറി രമേശ് ചന്ദ്രൻ, സുനീഷ് ബാബു, സുപ്രി അറയ്ക്കൽ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.