ഫോർട്ട്കൊച്ചി: അടച്ചുപൂട്ടിയ നഗരസഭ വക കോക്കേഴ്സ് തിയറ്റർ ബഹുമുഖ കലാകേന്ദ്രമാക്കണമെന്ന ആവശ്യം ശക്തമായിരിക്കെ തിയറ്റർ കോംപ്ലക്സ്-കം കൾചറൽ സെന്ററാക്കുന്നതിന് നഗരസഭ ബജറ്റിൽ ഒരുകോടി അനുവദിച്ചതിൽ കൊച്ചിയിലെ കലാ സ്നേഹികൾക്ക് ആഹ്ലാദം. നാലുവർഷമായി തിയറ്റർ സാംസ്കാരിക കേന്ദ്രമാക്കണമെന്നാവശ്യപ്പെട്ട് കൊച്ചിയിലെ കലാസ്നേഹികൾ രംഗത്തുണ്ട്. കഴിഞ്ഞ ബജറ്റുകളിലും തിയറ്ററിനുവേണ്ടി പണം അനുവദിക്കുകയും തുടർനടപടികളില്ലാതെ പോകുകയും ചെയ്തിരുന്ന സാഹചര്യത്തിൽ ഇത്തവണ അനുവദിച്ച തുകയും പ്രഹസനമാകുമോയെന്ന ആശങ്ക നിലനിൽക്കുന്നുണ്ട്. ബജറ്റിൽ തുക അനുവദിച്ച മേയർക്കും നഗരസഭക്കും നന്ദി രേഖപ്പെടുത്തുന്നതായി സി.പി.എം കൊച്ചി ഏരിയ സെക്രട്ടറി കെ.എം. റിയാദ് പറഞ്ഞു. ബജറ്റിലെ പ്രഖ്യാപനം വേഗത്തിലാക്കണമെന്ന് 'നമ്മൾ കൊച്ചിക്കാർ'ക്ക് നേതൃത്വം നൽകുന്ന മുൻ നഗരസഭ പ്രതിപക്ഷ നേതാവ് കെ.ജെ. ആന്റണി ആവശ്യപ്പെട്ടു. ബജറ്റിലെ പ്രഖ്യാപനത്തിൽ ആഹ്ലാദം പ്രകടിപ്പിച്ച് നമ്മൾ കൊച്ചിക്കാർ വെള്ളിയാഴ്ച വൈകീട്ട് കോക്കേഴ്സ് തിയറ്ററിന് മുന്നിൽ യോഗം സംഘടിപ്പിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.