വത്തിക്കാൻ അംബാസിഡർ വെണ്ടുരുത്തി പള്ളി സന്ദർശിച്ചു

കൊച്ചി: ഇന്ത്യയിലെ വത്തിക്കാൻ അംബാസിഡർ ആർച്ചുബിഷപ് ലിയോ പോൾ ദോ ജിറേലി വെണ്ടുരുത്തി പള്ളി സന്ദർശിച്ചു. പള്ളിയുടെ പൗരാണിക സൗന്ദര്യം നശിക്കാതെ കാത്തുസൂക്ഷിക്കുന്നതിൽ അദ്ദേഹം അഭിനന്ദിച്ചു. കേരളത്തിലെ ക്രിസ്തീയ ചരിത്രത്തിലെ പുണ്യമായ അവശേഷിപ്പാണ് വെണ്ടുരുത്തി പള്ളിയെന്ന്​ അദ്ദേഹം പറഞ്ഞു. വരാപ്പുഴ അതിരൂപത അർച്ച്​ബിഷപ് ജോസഫ് കളത്തിപ്പറമ്പിൽ, വികാരി ജനറൽ മാത്യു കല്ലിങ്കൽ, ഫാ. എബിജിൻ അറയ്​ക്കൽ തുടങ്ങിയവർ അംബാസിഡറിനെ അനുഗമിച്ചു. വെണ്ടുരുത്തി പള്ളിവികാരി ഫാ. അൽഫോൺസ് പനക്കൽ ഇടവകയുടെ ഉപഹാരം സമർപ്പിക്കുകയും പള്ളിയുടെ ചരിത്രത്തെക്കുറിച്ച്​ ലഘുവിവരണം നൽകുകയും ചെയ്തു. PHOTO CAPTION venduruthi വത്തിക്കാൻ അംബാസിഡർ ആർച്ച് ബിഷപ് ലിയോ പോൾ ദോ ജിറേലി പുരാതനമായ വെണ്ടുരുത്തി പള്ളിയിലെത്തി വിശ്വാസികളെ ആശീർവദിക്കുന്നു