എരുമേലി: ജനാധിപത്യത്തിന്റെ ബാലപാഠങ്ങൾ പകർന്ന് എരുമേലി സെന്റ് തോമസ് എൽ.പി സ്കൂളിൽ 'തെരഞ്ഞെടുപ്പ്'. സ്കൂൾ ലീഡറെ കണ്ടെത്താനായിരുന്നു ഒരാഴ്ച നീണ്ട തെരഞ്ഞെടുപ്പ് പ്രക്രിയ. കുട്ടികൾ ആവേശത്തോടെ നാമനിർദേശ പത്രിക സമർപ്പിക്കലും വോട്ട് ചോദിക്കലുമായി മുന്നോട്ട് നീങ്ങിയപ്പോൾ, അധ്യാപകർ കുട്ടികൾക്കുവേണ്ട നിർദേശങ്ങൾ നൽകി.
ഇതിനൊടുവിൽ കുട്ടികൾ തികച്ചും ജനാധിപത്യരീതിയിൽ സ്കൂളിൽ ക്രമീകരിച്ചിരുന്ന രണ്ട് ബൂത്തിലായി വോട്ട് രേഖപ്പെടുത്തി. സ്കൂൾ ലീഡറായി അശ്വന്ത് രാജും ചെയർപേഴ്സനായി വി.എസ്. അമാനയും ക്ലബ് പ്രതിനിധിയായി ദിയ റെയ്ച്ചൽ ഷാജിയും തെരഞ്ഞെടുക്കപ്പെട്ടു. ഹെഡ്മിസ്ട്രസ് സി. റെജി സെബാസ്റ്റ്യൻ, സാമൂഹിക ശാസ്ത്ര ക്ലബ് കൺവീനർ ലൗലി പി. ജേക്കബ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.