എ.സി റോഡിൽ കുരുക്കഴിഞ്ഞു; പണ്ടാരക്കളം മേൽപാലം തുറന്നു

ആ​ല​പ്പു​ഴ: നീ​ണ്ട​നാ​ള​ത്തെ കാ​ത്തി​രി​പ്പി​നും അ​നി​ശ്ചി​ത്വ​ത്തി​നും വി​രാ​മ​മി​ട്ട്​ ആ​ല​പ്പു​ഴ-​ച​ങ്ങ​നാ​ശ്ശേ​രി പാ​ത​യി​ലെ പ​ണ്ടാ​ര​ക്ക​ളം മേ​ൽ​പാ​ല​ത്തി​ലൂ​ടെ വാ​ഹ​ന​ങ്ങ​ൾ ഓ​ടി​ത്തു​ട​ങ്ങി. ബു​ധ​നാ​ഴ്ച​യാ​ണ്​ ഗ​താ​ഗ​ത​ത്തി​ന്​ തു​റ​ന്നു​ന​ൽ​കി​യ​ത്.

പാ​ത ന​വീ​ക​ര​ണ ഭാ​ഗ​മാ​യി ഒ​ന്ന​ര​വ​ർ​ഷം മു​മ്പ്​ പാ​ലം നി​ർ​മാ​ണം പൂ​ർ​ത്തി​യാ​ക്കി​യെ​ങ്കി​ലും 110 കെ.​വി വൈ​ദ്യു​തി ലൈ​ൻ മാ​റ്റി സ്ഥാ​പി​ക്കു​ന്ന​തി​ന്‍റെ കാ​ല​താ​മ​സ​മാ​ണ്​ പ്ര​തി​സ​ന്ധി സൃ​ഷ്ടി​ച്ച​ത്.

നാ​ലു​മാ​സം മു​മ്പ്​ 2.7 കോ​ടി മു​ട​ക്കി നി​ർ​മാ​ണം തു​ട​ങ്ങി​യ വൈ​ദ്യു​തി ട്രാ​ൻ​സ്‌​മി​ഷ​ൻ വി​ഭാ​ഗ​ത്തി​ന്റെ എ​ച്ച്‌.​ടി (ഹൈ​ടെ​ൻ​ഷ​ൻ) ട​വ​ർ പൂ​ർ​ത്തി​യാ​ക്കി​യ​തോ​ടെ​യാ​ണ്​ ത​ട​സ്സം നീ​ങ്ങി​യ​ത്. പ​ണ്ടാ​ര​ക്കു​ളം പാ​ട​ത്ത്​ പു​തി​യ​പ്ലാ​റ്റ്​​​ഫോം തീ​ർ​ത്ത്​ വ​ലി​യ ഉ​യ​ര​ത്തി​ലാ​ണ്​ ട​വ​ർ നി​ർ​മി​ച്ച​ത്. ലൈ​നു​ക​ൾ മാ​റ്റി​സ്ഥാ​പി​ച്ച​തോ​ടെ​യാ​ണ്​ ഗ​താ​ഗ​ത​ത്തി​ന്​ തു​റ​ന്നു​ന​ൽ​കി​യ​ത്. പാ​ത​യി​ൽ 625 മീ​റ്റ​ർ ദൈ​ർ​ഘ്യ​മു​ള്ള മേ​ൽ​പാ​ലം ഏ​റ്റ​വും നീ​ളം​കൂ​ടി​യ​താ​ണ്. ഇ​നി അ​വേ​ശ​ഷി​ക്കു​ന്ന​ത്​ പ​ള്ളാ​ത്തു​രു​ത്തി വ​ലി​യ​പാ​ല​ത്തി​ന്‍റെ നി​ർ​മാ​ണ​മാ​ണ്.

റോ​ഡ് നി​ർ​മാ​ണ​വേ​ള​യി​ലെ ഡി​സൈ​നി​ൽ മാ​റ്റം വ​രു​ത്തി​യ​താ​ണ്​ പ്ര​തി​സ​ന്ധി​ക്ക്​ കാ​ര​ണ​മാ​യ​ത്. സ​മീ​പ​ത്തെ പാ​ട​ശേ​ഖ​ര​ങ്ങ​ളി​ലെ നെ​ല്ല് സം​ഭ​ര​ണ​ത്തി​ന് അ​ട​ക്കം ത​ട​സ്സ​മു​ണ്ടാ​കാ​തി​രി​ക്കാ​ൻ മേ​ൽ​പാ​ല​ത്തി​ന്റെ ഉ​യ​രം കൂ​ട്ട​ണ​മെ​ന്ന ആ​വ​ശ്യം പ​രി​ഗ​ണി​ച്ചാ​ണ് ഡി​സൈ​നി​ൽ മാ​റ്റം വ​രു​ത്തി​യ​ത്. പു​തു​ക്കി​യ ഡി​സൈ​ൻ പ്ര​കാ​രം ഉ​യ​രം കൂ​ട്ടേ​ണ്ടി വ​ന്ന​താ​ണ്​ വൈ​ദ്യു​തി ലൈ​ൻ ത​ട​സ്സ​മാ​കാ​ൻ കാ​ര​ണ​മാ​യ​ത്.

ഏ​റെ​നാ​ൾ പാ​ല​ത്തി​ന്​ താ​ഴെ​യു​ള്ള ഒ​റ്റ​വ​രി​പ്പാ​ത​യി​ലൂ​ടെ​യാ​ണ്​​ വാ​ഹ​ന​ങ്ങ​ൾ ക​ട​ത്തി​വി​ട്ടി​രു​ന്ന​ത്. തി​ര​ക്കേ​റി​യ സ​മ​യ​ങ്ങ​ളി​ൽ വ​ലി​യ​ഗ​താ​ഗ​ത​ക്കു​രു​ക്ക്​ അ​നു​ഭ​വ​പ്പെ​ട്ടി​രു​ന്നു. രാ​വി​ലെ​യും വൈ​കീ​ട്ടും അ​വ​ധി ദി​വ​സ​ങ്ങ​ളി​ലും ഇ​ര​ട്ടി​യി​ല​ധി​കം വാ​ഹ​ന​ങ്ങ​ൾ സ​ഞ്ച​രി​ക്കു​ന്ന​തി​നാ​ൽ കു​രു​ക്ക്​ പ​ല​പ്പോ​ഴും നി​യ​ന്ത്ര​ണാ​ധീ​ത​മാ​യി​രു​ന്നു. ആം​ബു​ല​ൻ​സു​ക​ള​ട​ക്കം കു​രു​ക്കി​ൽ​പെ​ട്ട്​ ന​ട്ടം​തി​രി​ഞ്ഞി​രു​ന്നു. ഓ​ണ​ത്തി​ര​ക്കി​ന്​​ മു​മ്പ്​ പാ​ലം തു​റ​ന്ന​തി​ന്‍റെ സ​ന്തോ​ഷ​ത്തി​ലാ​ണ്​ നാ​ട്ടു​കാ​ർ.