അമ്പലപ്പുഴ: മലയാളിയെ വായന പഠിപ്പിച്ച പി.എൻ. പണിക്കരുടെ ചെറുമകളെ പങ്കെടുപ്പിച്ച് സ്കൂളിൽ നടന്ന വായനദിന പരിപാടി ശ്രദ്ധേയമായി. കാക്കാഴം അൽ അമീൻ സെൻട്രൽ സ്കൂളിലാണ് വ്യത്യസ്തമാർന്ന രീതിയിൽ ആഘോഷിച്ചത്. പി.എൻ. പണിക്കരുടെ ചെറുമകൾ ശ്രീകല എസ്.കുറുപ്പാണ് വായനദിന പരിപാടി ഉദ്ഘാടനം ചെയ്തത്. മുത്തച്ഛൻ ഗ്രന്ഥശാല പ്രസ്ഥാനത്തിന് രൂപംനൽകിയ അമ്പലപ്പുഴയിൽ സ്കൂളിൽ ആദ്യമായാണ് പൊതുപരിപാടിയിൽ പങ്കെടുക്കാനെത്തുന്നത്. സ്കൂൾ മാനേജർ അഡ്വ.എ. നിസാമുദ്ദീൻ അധ്യക്ഷതവഹിച്ചു. പ്രിൻസിപ്പൽ ഡോ. പി.ആർ. ഉണ്ണികൃഷ്ണപിള്ള, ജമാഅത്ത് വൈസ് പ്രസിഡന്റ് എം. മുഹമ്മദ് കോയ, ജോയന്റ് സെക്രട്ടറി എം.എ. ഷഫീക്ക് വൈസ് പ്രിൻസിപ്പൽ ജെ. ശ്രീദേവി, പ്രോഗ്രാം കോഓഡിനേറ്റർ ജയശ്രീ രാജേഷ് എന്നിവർ സംസാരിച്ചു. പി.എൻ. പണിക്കരുടെ ചെറുമകൾ ശ്രീകല എസ്.കുറുപ്പ് വായനദിന പരിപാടി ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.