ജൂസ് സ്റ്റാളിന്റെ ഉദ്ഘാടനം പൂച്ചാക്കൽ മെഡിക്കൽ സെന്റർ അഡ്മിനിസ്ട്രേറ്റർ എസ്. രാജേഷ് നിർവഹിക്കുന്നു
പൂച്ചാക്കൽ: തൈക്കാട്ടുശ്ശേരി ബ്ലോക്ക് പഞ്ചായത്തിന്റെ തണ്ണീർപ്പന്തലിൽ ഇനി മുതൽ പഴങ്ങളും ജൂസും നൽകും. ജൂസ് സ്റ്റാളിന്റെ ഉദ്ഘാടനം പൂച്ചാക്കൽ മെഡിക്കൽ സെന്റർ അഡ്മിനിസ്ട്രേറ്റർ എസ്. രാജേഷ് നിർവഹിച്ചു. കഴിഞ്ഞ ഒരു മാസമായി തണ്ണീർപ്പന്തലിൽ സംഭാരവും നാരങ്ങ വെള്ളവുമാണ് നൽകിയത്. പൂച്ചാക്കൽ പി.എം.സിയാണ് ജൂസും പഴങ്ങളും സ്പോൺസർ ചെയ്തിരിക്കുന്നത്. ബ്ലോക്ക് പഞ്ചായത്ത് പ്രസിഡന്റ് പി.എം. പ്രമോദ് അധ്യക്ഷത വഹിച്ചു.
ബ്ലോക്ക് വൈസ് പ്രസിഡന്റ് ദീപ സജീവ്, സ്ഥിരം സമിതി അധ്യക്ഷരായ എൻ.കെ. ജനാർദനൻ, രാജേഷ് വിവേകാനന്ദ, അഡ്വ. രജിത, പാണാവള്ളി ഗ്രാമപഞ്ചായത്ത് പ്രസിഡന്റ് ധന്യ സന്തോഷ്, വൈസ് പ്രസിഡന്റ് കെ.ഇ. കുഞ്ഞുമോൻ, തൈക്കാട്ടുശേരി ഗ്രാമപഞ്ചായത്ത് പ്രസിഡന്റ് ഡി. വിശ്വംഭരൻ, കുത്തിയതോട് ഗ്രാമപഞ്ചായത്ത് പ്രസിഡന്റ് എം.ജി. രാജേശ്വരി തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.