ടാറിങ്ങിന്​ പിന്നാലെ റോഡ്​ കുത്തിപ്പൊളിച്ചു

തുറവൂർ: ഏതാനും ആഴ്ചകൾക്ക്​ മുമ്പ്​ ടാറിങ്​ പൂർത്തിയാക്കിയ തുറവൂർ-പമ്പ റോഡ്​ കുത്തിപ്പൊളിച്ചു. കുടിവെള്ള പൈപ്പ് കണക്​ഷൻ നൽകുന്നതിന് ജല അതോറിറ്റിയാണ് റോഡ് വെട്ടിപ്പൊളിച്ചത്. എടുത്ത കുഴി ശാസ്ത്രീയമായ രീതിയിൽ മൂടാത്തതാണ് പ്രശ്നമായത്. ഇരുചക്രവാഹനങ്ങൾ അപകടത്തിൽപെടുന്നത്​ പതിവാണ്​. കോൺക്രീറ്റ്​, ടാർ മിശ്രിതം ഉപയോഗിച്ച്​ കുഴിമൂടണമെന്നാണ്​ നാട്ടുകാരുടെ ആവശ്യം. പടം : റോഡ് വെട്ടിപ്പൊളിച്ച് കുഴിയെടുത്തശേഷം ചൊരിമണൽ നിറച്ച് മൂടിയ നിലയിൽ തുറവൂർ-പമ്പ പാത