മ​റി​യ​പ്പ​ള്ളി​യി​ൽ മ​ണ്ണി​ടി​ഞ്ഞ്​​ അ​പ​ക​ടം; കൈകൊണ്ട്​ മണ്ണുനീക്കി ഷാജിയും കൂട്ടരും

കോ​ട്ട​യം: മ​ണ്ണി​ന​ടി​യി​ലാ​യ സു​ശാ​ന്തി​നെ ര​ക്ഷി​ക്കാ​ൻ ഷാ​ജി​ക്കും മ​റ്റു തൊ​ഴി​ലാ​ളി​ക​ൾ​ക്കും ആ​യു​ധ​മാ​യ​ത്​ കൈ​ക​ളാ​യി​രു​ന്നു.ര​ണ്ടു​കൈ​കൊ​ണ്ട്​ അ​തി​വേ​ഗം ത​ല​ക്ക്​ മു​ക​ളി​ലെ​യും മു​ഖ​ത്തെ​യും മ​ണ്ണു​നീ​ക്കി. കൈ​ക​ളി​ലെ തൊ​ലി​പോ​യി ചോ​ര പൊ​ടി​യു​ന്നു​ണ്ടാ​യി​രു​ന്നു.

അ​തൊ​ന്നും നോ​ക്കാ​ൻ സ​മ​യ​മു​ണ്ടാ​യി​രു​ന്നി​ല്ല. എ​ങ്ങ​നെ​യും സു​ശാ​ന്തി​നെ പു​റ​ത്തെ​ടു​ക്കു​ക മാ​ത്ര​മാ​യി​രു​ന്നു ല​ക്ഷ്യം. തൂ​മ്പ​യ​ട​ക്കം ആ​യു​ധ​ങ്ങ​ൾ മ​ണ്ണി​ന​ടി​യി​ലാ​യി​രു​ന്നു. തൊ​ഴി​ലാ​ളി​ക​ള​ല്ലാ​തെ ആ​രും ആ ​സ​മ​യ​ത്തു​ണ്ടാ​യി​രു​ന്നി​ല്ല.

മു​ഖ​ത്തെ മ​ണ്ണ്​ പൂ​ർ​ണ​മാ​യി നീ​ക്കി​ക്കൊ​ണ്ടി​രി​ക്കു​മ്പോ​ഴാ​ണ്​ മു​ക​ളി​ൽ​നി​ന്ന്​ ര​ണ്ടാ​മ​തും വ​ൻ​തോ​തി​ൽ മ​ണ്ണി​ടി​ഞ്ഞ്​ സു​ശാ​ന്തി​നു​മു​ക​ളി​ൽ വീ​ണ​ത്. ഇ​തോ​ടെ അ​ല​റി​വി​ളി​ച്ച്​ ഇ​വ​ർ ഓ​ടി​മാ​റി. പി​ന്നീ​ട്​ അ​ടു​ക്കാ​ൻ ധൈ​ര്യ​മു​ണ്ടാ​യി​രു​ന്നി​ല്ല. ഇ​തി​നി​ടെ അ​ഗ്​​നി​ര​ക്ഷാ സേ​ന അം​ഗ​ങ്ങ​ളെ​ത്തി​യ​ത്​ ആ​ശ്വാ​സ​മേ​കി.

മ​തി​ൽ നി​ർ​മാ​ണം തു​ട​ങ്ങാ​നാ​ണ്​ വ്യാ​ഴാ​ഴ്ച രാ​വി​ലെ മേ​സ്തി​രി​മാ​രാ​യ ഷാ​ജി​യും ബാ​ബു​വും എ​ത്തി​യ​ത്. ജോ​യി​യും സു​ശാ​ന്തും മ​ണ്ണെ​ടു​ത്ത്​ കൊ​ണ്ടി​രി​ക്കു​ന്ന​തി​നി​ട​യി​ലാ​യി​രു​ന്നു​ അ​പ​ക​ടം.

മ​ണ്ണ്​ ച​ട്ടി​യി​ലാ​ക്കി മു​ക​ളി​ലേ​ക്കു ന​ൽ​കു​മ്പോ​ൾ​ അ​പ​ക​ടം സം​ഭ​വി​ച്ച​തി​നാ​ലാ​ണ്​ സു​ശാ​ന്തി​നെ ര​ക്ഷ​പ്പെ​ടു​ത്താ​ൻ ക​ഴി​ഞ്ഞ​തെ​ന്ന്​ ഷാ​ജി പ​റ​യു​ന്നു. നി​ൽ​ക്കു​ന്ന രൂ​പ​ത്തി​ലാ​ണ്​ സു​ശാ​ന്ത്​ മ​ണ്ണി​ന​ടി​യി​ൽ കു​ടു​ങ്ങി​യ​ത്. മ​ണ്ണെ​ടു​ക്കാ​ൻ നി​ൽ​ക്കു​മ്പോ​ഴാ​യി​രു​ന്നു സം​ഭ​വ​മെ​ങ്കി​ൽ ദു​ര​ന്ത​ത്തി​ൽ അ​വ​സാ​നി​ച്ചേ​നെ​യെ​ന്നും ഷാ​ജി ഞെ​ട്ട​ലോ​​ടെ ഓ​ർ​ക്കു​ന്നു.

മുഖ്യമന്ത്രിയുടെ അഭിനന്ദനം

കോ​ട്ട​യം: നാ​ട്ട​കം മ​റി​യ​പ്പ​ള്ളി​യി​ൽ മ​ണ്ണി​ന​ടി​യി​ൽ കു​ടു​ങ്ങി​യ അ​ന്ത​ർ​സം​സ്ഥാ​ന തൊ​ഴി​ലാ​ളി​യെ ര​ക്ഷി​ച്ച എ​ല്ലാ​വ​രെ​യും അ​ഭി​ന​ന്ദി​ച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. അ​ഗ്​​നി​ര​ക്ഷാ​സേ​ന​ക്കും പൊ​ലീ​സി​നും നാ​ട്ടു​കാ​ർ​ക്കും അ​ദ്ദേ​ഹം ഫേ​സ്ബു​ക്കി​ൽ അ​ഭി​ന​ന്ദ​നം അ​റി​യി​ച്ചു. അ​ഗ്​​നി​ര​ക്ഷാ​സേ​ന​ മേ​ധാ​വി ഡോ. ​ബി. സ​ന്ധ്യ​യും സേ​ന അം​ഗ​ങ്ങ​ളെ​ അ​ഭി​ന​ന്ദി​ച്ചു.