കണ്ണൂർ: കണ്ണൂരിൽ കോവിഡ് ബാധിച്ച് ചികിത്സയിലായിരുന്ന എക്സൈസ് ഉദ്യോഗസ്ഥൻ മരിച്ചു. പടിയൂര് സ്വദേശി സുനില്കുമാറാണ് വ്യാഴാഴ്ച രാവിലെയോടെ മരിച്ചത്. 28 വയസായിരുന്നു. പരിയാരം മെഡിക്കല് കോളജില് ചികിത്സയിലായിരുന്നു. ഇതോടെ കേരളത്തില് കോവിഡ് മൂലം മരിച്ചവരുടെ എണ്ണം 21 ആയി.
മൂന്നു ദിവസം മുമ്പാണ് സുനിൽകുമാറിനെ പരിയാരം മെഡിക്കല് കോളജില് പ്രവേശിപ്പിച്ചത്. തുടര്ന്ന് ന്യൂമോണിയ ഉള്പ്പെടെ സ്ഥിരീകരിക്കുകയായിരുന്നു. ബുധനാഴ്ച വൈകിട്ട് മുതൽ ആരോഗ്യ നില വഷളായതായി ആശുപത്രി അധികൃതർ അറിയിച്ചിരുന്നു.
മട്ടന്നൂര് എക്സൈസ് ഓഫീസിലെ ജീവനക്കാരനാണ് സുനില്കുമാര്. ഇദ്ദേഹത്തിന് രോഗബാധ സ്ഥിരീകരിച്ചതിനെ തുടര്ന്ന് മട്ടന്നൂര് എക്സൈസ് ഓഫീസ് അടയ്ക്കുകയും 18 ജീവനക്കാര് ക്വാറൻറീനില് പോകുയും ചെയ്തിരുന്നു. സുനിൽകുമാറിന് രോഗം ബാധിച്ചതെങ്ങനെയാണെന്ന കാര്യം വ്യക്തമല്ല.
LATEST VIDEO
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.