ചെറുവത്തൂർ: കയ്യൂർ സർവിസ് സഹകരണ ബാങ്ക് കേരള സംസ്ഥാന സർക്കാറിെന്റ നൂറുദിന കർമപദ്ധതിയുടെ ഭാഗമായി മാതൃകാ പച്ചക്കറിത്തോട്ടം ആരംഭിച്ചു. രണ്ട് ഏക്കർ സ്ഥലത്ത് വെണ്ട, പയർ, ചീര, പാവയ്ക്ക, മത്തൻ, കുമ്പളം, വെള്ളരി എന്നിവയാണ് കൃഷിയിറക്കിയത്. വർഷങ്ങളായി തരിശായിക്കിടന്ന സ്ഥലത്ത് മൂന്നാം വർഷമാണ് ഇത്തരത്തിൽ വിപുലമായ കൃഷി നടത്തിയത്. ചീമേനി കൃഷി ഓഫിസർ രേഷ്മ, കൃഷി അസിസ്റ്റന്റ് ജയപ്രകാശ്, നാരായണൻകുട്ടി എന്നിവരുടെ മാർഗനിർദേശങ്ങൾക്കനുസരിച്ച് കർഷകൻ സി.കെ. കുഞ്ഞമ്പുവിെന്റ മേൽനോട്ടത്തിൽ ഭരണസമിതി അംഗങ്ങളും ജിവനക്കാരുമാണ് കൃഷി പരിപാലിക്കുന്നത്. നാടിന് അഭിമാനമായ പച്ചക്കറി വിളവെടുപ്പ് കാസർകോട് ജില്ല സഹകരണ സംഘം ജോയന്റ് റജിസ്ട്രാർ കെ. രമ ഉദ്ഘാടനം ചെയ്തു. ബാങ്ക് പ്രസിഡന്റ് പി. കുഞ്ഞിക്കണ്ണൻ അധ്യക്ഷത വഹിച്ചു. കൃഷി ഓഫീസർ രേഷ്മ, സഹകണ സംഘം ഹോസ്ദുർഗ് അസിസ്റ്റന്റ് റജിസ്ട്രാർ കെ. രാജഗോപാലൻ, കൃഷി അസിസ്റ്റന്റ് ജയപ്രകാശ്, സി.കെ. ചന്ദ്രൻ എന്നിവർ സംസാരിച്ചു. ബാങ്ക് സെക്രട്ടറി പി.പി. പവിത്രൻ സ്വാഗതം പറഞ്ഞു. വിഷുവിപണി ലക്ഷ്യമാക്കി ആദ്യദിനം വെള്ളരി, പാവക്ക എന്നിവ ഗൾഫ് നാടുകളിലേക്ക് കയറ്റിയയച്ചു. ഇവ കൂടാതെ ചേന, മരച്ചീനി എന്നിവയും ബാങ്ക് കൃഷി ചെയ്യുന്നുണ്ട്. പടം : കയ്യൂർ സർവിസ് സഹകരണ ബാങ്കിെന്റ നേതൃത്വത്തിൽ ആരംഭിച്ച മാതൃകാ പച്ചക്കറിത്തോട്ടം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.