അമ്മമാർക്ക് കരുത്തേകാൻ മുതുകാടെത്തി

അമ്പലത്തറ: ഭിന്നശേഷിക്കാരായ കുട്ടികളുടെ അമ്മമാർക്ക് കരുത്തുപകരാൻ മാന്ത്രികൻ ഗോപിനാഥ് മുതുകാടെത്തി. പെരിയ മഹാത്മ ബഡ്സ് സ്കൂൾ സന്ദർശിച്ച മുതുകാട് കുട്ടികളുമായി സ്നേഹം പങ്കിട്ടു. -----------------------ഉദ്ദേശിനെയും അഞ്ജലിയെയും നേരിൽക്കണ്ട അമ്മമാരുടെ സങ്കടങ്ങൾ എത്രയാണെന്ന് തിരിച്ചറിയാൻ കഴിഞ്ഞെന്ന് അദ്ദേഹം പറഞ്ഞു. ഭിന്നശേഷിക്കാരെ ചേർത്തുപിടിക്കാൻ പൊതുസമൂഹത്തിന് ബാധ്യതയുണ്ടെന്നും അതിനവർ തയാറാവണമെന്നും മുതുകാട് ആവശ്യപ്പെട്ടു. അമ്പലത്തറ തണൽ സ്നേഹവീട് സംഘടിപ്പിച്ച 'വാക്കുകൾ കൊണ്ടൊരു സാന്ത്വനം' പരിപാടിയിൽ സംസാരിക്കുകയായിരുന്നു അദ്ദേഹം. നെഹ്​റു കോളജ് പ്രിൻസിപ്പൽ കെ.ബി. മുരളി, മുനീസ അമ്പലത്തറ, സബിത മനോജ്, വി.വിജയകുമാർ, അമ്പലത്തറ നാരായണൻ, സുലോചന മാഹി എന്നിവർ സംസാരിച്ചു. അമ്പലത്തറ കുഞ്ഞികൃഷ്ണൻ സ്വാഗതവും ഷംന നന്ദിയും പറഞ്ഞു. mudhukad അമ്പലത്തറ തണൽ സ്നേഹവീട് സന്ദർശിക്കാനെത്തിയ മാന്ത്രികൻ ഗോപിനാഥ് മുതുകാട് കുട്ടികൾക്കൊപ്പം