കാ​റി​ൽ ക​ട​ത്തി​യ 33 ല​ക്ഷത്തിന്‍റെ കു​ഴ​ൽ​പ്പ​ണം പി​ടി​കൂ​ടി

പെ​രി​ന്ത​ൽ​മ​ണ്ണ: കാ​റി​ൽ ക​ട​ത്തി​യ രേ​ഖ​യി​ല്ലാ​ത്ത 33 ല​ക്ഷം കു​ഴ​ൽ​പ്പ​ണം പൊ​ലീ​സ് പി​ടി​കൂ​ടി. ജി​ല്ല പൊ​ലീ​സ് മേ​ധാ​വി എ​സ്. ശ​ശി​ധ​ര​ന് ല​ഭി​ച്ച ര​ഹ​സ്യ​വി​വ​ര​ത്തെ തു​ട​ർ​ന്ന് ശ​നി​യാ​ഴ്ച രാ​വി​ലെ 10.15ന് ​പെ​രി​ന്ത​ൽ​മ​ണ്ണ ക​രി​ങ്ക​ല​ത്താ​ണി​യി​ൽ വെ​ച്ചാ​ണ് പ​ണം പി​ടി​കൂ​ടി​യ​ത്. പെ​രി​ന്ത​ൽ​മ​ണ്ണ എ.​എ​സ്.​പി പി.​ബി. കി​ര​ണും സം​ഘ​വും ന​ട​ത്തി​യ വാ​ഹ​ന പ​രി​ശോ​ധ​ന​യി​ൽ പെ​രി​ന്ത​ൽ​മ​ണ്ണ ക​രി​ങ്ക​ല്ല​ത്താ​ണി സ്വ​ദേ​ശി അ​ക്ക​ര താ​ജു​ദ്ദീ​നെ (42) ക​സ്റ്റ​ഡി​യി​ൽ എ​ടു​ത്തു.

കാ​റി​ൽ എ​യ​ർ ബാ​ഗ് സ്‌​പൈ​സി​ൽ പ്ര​ത്യേ​കം ത​യാ​റാ​ക്കി​യ ര​ഹ​സ്യ​അ​റ​യി​ൽ ആ​ണ് പ​ണം സൂ​ക്ഷി​ച്ചി​രു​ന്ന​ത്. ജി​ല്ല​യി​ൽ വി​വി​ധ ഭാ​ഗ​ങ്ങ​ളി​ൽ വി​ത​ര​ണ​ത്തി​നാ​യി​ട്ടാ​യി​രു​ന്നു പ​ണം കൊ​ണ്ടു​വ​ന്ന​ത്. പി​ടി​കൂ​ടി​യ പ​ണം പെ​രി​ന്ത​ൽ​മ​ണ്ണ ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് മു​മ്പാ​കെ ഹാ​ജ​രാ​ക്കി. തു​ട​ർ ന​ട​പ​ടി​ക​ൾ​ക്കാ​യി ഇ​ൻ​കം​ടാ​ക്സ്, എ​ൻ​ഫോ​ഴ്സ്മെ​ന്റ് അ​ധി​കൃ​ത​രെ വി​വ​രം അ​റി​യി​ക്കും.