നി​ല​മ്പൂ​ർ കാ​ട്ടി​ൽ തേ​നൂ​റും കാ​ലം

നി​ല​മ്പൂ​ർ: നി​ല​മ്പൂ​ർ കാ​ട്ടി​ൽ നി​റ​യെ തേ​ൻ​മ​ണം. കാ​ട്ടാ​ന​ക​ളെ പേ​ടി​ച്ച് ഊ​രി​ൽ ഒ​തു​ങ്ങി​ക്കൂ​ടി​യാ​ൽ കാ​ട്ടി​ലെ തേ​ൻ​കാ​ലം ന​ഷ്ട​മാ​കു​മെ​ന്ന് കാ​ടി​ന്റെ മ​ക്ക​ൾ. മാ​ർ​ച്ച് അ​വ​സാ​ന​ത്തോ​ടെ തേ​ൻ ശേ​ഖ​ര​ണ​ത്തി​നാ​യി ഊ​രു​വി​ട്ട് ഉ​ൾ​ക്കാ​ടു​ക​ൾ ക​യ​റും. കു​ടും​ബ​സ​മേ​ത​മോ അ​ല്ലെ​ങ്കി​ൽ കൂ​ട്ട​മാ​യോ ആ​ണ് ഉ​ൾ​ക്കാ​ട് ക​യ​റ്റം.

മു​മ്പൊ​ക്കെ ഒ​റ്റ​ക്ക് പോ​യി​രു​ന്നെ​ങ്കി​ലും ആ​ന ഭീ​ഷ​ണി ഏ​റി​യ​തോ​ടെ ഒ​റ്റ തി​രി​ഞ്ഞു​ള്ള പോ​ക്ക് ഒ​ഴി​വാ​ക്കി​യ​താ​യി പു​ഞ്ച​ക്കൊ​ല്ലി കോ​ള​നി​യി​ലെ കോ​ട്ട പ​റ​ഞ്ഞു. ദി​വ​സ​ങ്ങ​ളോ​ളം വ​ന​ത്തി​നു​ള്ളി​ൽ ത​ങ്ങി​യാ​ണ് തേ​ൻ ശേ​ഖ​രി​ക്കു​ന്ന​ത്.

അ​ള​ക്ക​ൽ കോ​ള​നി​യി​ൽ​നി​ന്ന് മൂ​പ്പ​ൻ ഉ​ൾ​പ്പ​ടെ തേ​ൻ തേ​ടി കാ​ടു​ക​യ​റും. ഏ​റ്റ​വും അ​പ​ക​ടം പി​ടി​ച്ച പ​ണി​യാ​ണ് തേ​ൻ ശേ​ഖ​ര​ണ​മെ​ന്ന് മൂ​പ്പ​ൻ കു​ള്ള​ൻ ചാ​ത്ത​ൻ പ​റ​യു​ന്നു.

കൂ​റ്റ​ൻ മ​ര​ങ്ങ​ളി​ലും ചെ​ങ്കുത്താ​യ പാ​റ​ക​ളി​ലു​മാ​ണ് അ​ധി​ക​വും തേ​നു​ണ്ടാ​വു​ക. ഉ​യ​ര​ത്തി​ലു​ള്ള മ​ര​ത്തി​ന്‍റെ ശി​ഖ​ര​ങ്ങ​ളി​ൽ​നി​ന്നും തേ​ൻ ശേ​ഖ​രി​ക്കു​ക അ​ത്ര എ​ളു​പ്പ​മ​ല്ല. ന​ല്ല ശ്ര​ദ്ധ വേ​ണം. ആ​ഗ​സ്റ്റ് വ​രെ കാ​ട്ടി​നു​ള്ളി​ൽ തേ​ൻ ശേ​ഖ​രി​ക്കാ​നാ​വും. ര​ണ്ടു​മാ​സം സ​മൃ​ദ്ധി​യാ​യി തേ​ൻ കി​ട്ടും. വ​ൻ തേ​ൻ, ചെ​റു​തേ​ൻ, കൊ​മ്പു​തേ​ൻ, പു​റ്റു​തേ​ൻ എ​ന്നി​ങ്ങ​നെ നാ​ലി​ന​മാ​ണ് നി​ല​മ്പൂ​ർ കാ​ട്ടി​ൽ ല​ഭി​ക്കു​ന്ന​ത്. ഇ​തി​ൽ ചെ​റു​തേ​നാ​ണ് ഡി​മാ​ന്‍റ് കൂ​ടു​ത​ൽ.

ശു​ദ്ധ​മാ​യ കാ​ട്ടു​തേ​ൻ വാ​ങ്ങാ​ൻ സ്ഥി​ര​മാ​യി ആ​ളു​ക​ളു​ണ്ട്. തേ​ൻ വി​ൽ​പ്പ​ന​യി​ലൂ​ടെ മി​ക​ച്ച വ​രു​മാ​ന​വും കൈ​യി​ലെ​ത്തു​മെ​ന്ന​തി​നാ​ൽ വ​നാ​ശ്രി​ത​ർ​ക്ക് സീ​സ​ൺ ഒ​ഴി​വാ​ക്കാ​ൻ ഒ​ട്ടും താ​ൽ​പ​ര്യ​മി​ല്ല. വ​ന​ത്തി​ൽ​നി​ന്ന് തേ​ൻ ശേ​ഖ​രി​ക്കാ​ൻ ആ​ദി​വാ​സി​ക​ൾ​ക്കാ​ണ് അ​വ​കാ​ശം.

പ്രാ​ക്ത​ന ഗോ​ത്ര വി​ഭാ​ഗ​ത്തി​ലെ കാ​ട്ടു​നാ​യ്ക്ക​രാ​ണ് നി​ല​മ്പൂ​ർ കാ​ടു​ക​ളി​ൽ പ്ര​ധാ​ന​മാ​യും തേ​ൻ ശേ​ഖ​രി​ക്കു​ന്ന​ത്. പ​ട്ടി​ക വ​ർ​ഗ സം​ഘ​ങ്ങ​ളും വ​ന​സം​ര​ക്ഷ​ണ സ​മി​തി​ക​ളും വ​നം വ​കു​പ്പും ഇ​വ​രി​ൽ നി​ന്നും തേ​ൻ സം​ഭ​രി​ക്കു​ന്നു​ണ്ട്. ഇ​വ​രി​ൽ ചി​ല​ർ സ്വ​ന്ത​മാ​യി തേ​ൻ വി​ൽ​പ​ന ന​ട​ത്തു​ന്നു​ണ്ട്.